Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Амерыканскі кардынал: дазвол на эўтаназію прывядзе да ўзрастання агульнай колькасці самазабойстваў
16.10.2012 12:02

Арцыбіскуп Бoстaнскі (ЗША) кардынал Шон О’Мэллі заклікаў выбаршчыкаў штата Масачусетс не згаджацца з легалізацыяй права на эўтаназію. Падчас прэзідэнцкіх выбараў, якія адбудуцца ў краіне ў лістападзе, амерыканцы будуць таксама адказваць на пытанне адносна законапраекта, які дазваляе даваць сродкі, што выклікаюць смерць, невылечна хворым пацыентам.

На старонках каталіцкага выдання «The Boston Pilot» кардынал заахвоціў вернікаў адказаць на гэтае пытанне адмоўна. Іерарх падкрэсліў, што падтрымка законапраекта пагражае эскалацыі прадпісанняў, якія спрыяюць эўтаназіі. У адпаведнасці з прапанаваным законапраектам, урач павінен чакаць 15 дзён, перш чым дазволіць ужываць у адносінах да дадзенага пацыента смертаносны сродак. Калі ж пацыент памрэ, прычынай яго смерці будзе названа не дапамога ў самазабойстве, а невылечная хвароба.

Па словах кардынала, увядзенне такога права прывядзе да «трагічных вынікаў». Іерарх дадаў, што дапамога ў самазабойстве памяншае каштоўнасць жыцця, і адзначыў, што згода на эўтаназію для адной групы людзей (у прыватнасці, невылечна хворых) можа прывесці да ўзрастання колькасці самазабойстваў ва ўсім грамадстве.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме