Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Прыёр супольнасці з Тэзэ: Бэнэдыкт XVI быў побач з моладдзю ў прастаце
10.03.2013 14:26

Па словах брата Алаіза, прыёра экуменічнай супольнасці з Тэзэ (Францыя), у новым Пантыфікаце «неабходны працяг лініі Бэнэдыкта XVI, які ўказваў нам, што з’яўляецца найважнейшым у веры, і быў побач з моладдзю ў прастаце».

«Бэнэдыкт XVI паказаў гэта на Сусветных днях моладзі, у якія ўвёў хвіліны цішыні і малітвы, — дадаў прыёр, словы якога прыводзіць польская рэдакцыя Ватыканскага радыё. — Думаю, што гэта было важным крокам. Моладзь жадае далей ісці ў гэтым кірунку. Пасля малітвы са Святым Айцом на плошчы Св. Пятра 29 снежня мінулага года многія маладыя людзі казалі, што ім падабаецца менавіта прастата Папы, які быў з імі і з імі маліўся, дапамагаючы ім глядзець на Хрыста».

Брат Алаіз нагадаў таксама, што Бэнэдыкт XVI адорваў супольнасць з Тэзэ вялікім даверам, а самога прыёра штогод прымаў на спецыяльнай аўдыенцыі.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме