Папа Францішак скіраваў братэрскае прывітанне ўдзельнікам Сіноду вальдэнскіх і метадысцкіх Цэркваў Італіі, які пачаўся 24 жніўня 2014 г. у горадзе Торэ-Пелічэ, недалёка ад Турына. Гаворка ідзе пра першы падобны зварот Рымскага Пантыфіка ў гісторыі.

«Будзем маліцца аб спыненні насілля і аб світанку супакою і прымірэння для ўсіх членаў чалавечай сям’і», — напісаў Папа Францішак у прывітальным пасланні да ўдзельнікаў св. Імшы ў памяць аб варварскa забітым джыхадзістамі ў Іраку амерыканскім рэпарцёры Джэймсе Фоулі.

17 жніўня ў касцёле св. Дамініка ў Служэве (Польшча) склалі свае першыя манаскія шлюбы 11 братоў-дамініканаў, у ліку якіх два прадстаўнікі з Беларусі: Дзяніс Сухавараў, які родам з Магілёва, і Аляксандр Жмурко, які родам з Брэста.

Апошнія дні лета ў сямнаццаты раз сабралі пілігрымаў з розных куткоў Беларусі (Мінска-Магілёўскай архідыяцэзіі, Пінскай і Гродзенскай дыяцэзій) у касцёле Святога Зыгмунта ў Баранавічах, каб вырушыць да Маці Божай Каралевы Палесся ў санктуарый у Лагішыне. Урачыстасці ў Лагішыне праходзілі 21-22 жніўня 2014 г.

У 23-юю гадавіну Незалежнасці Украіны Вярхоўны архіепіскап Кіева-Галіцкі Святаслаў Шаўчук, кіраўнік Украінскай Грэка-Каталіцкай Царквы, побач з міжканфесійным храмам Святога Мікалая Цудатворцы, што знаходзіцца каля Нацыянальнага тэхнічнага ўніверсітэта Украіны, асвяціў крыж у памяць Герояў Нябесчнай сотні.

Адначасова з пашырэннем уплыву джыхадзістаў на тэрыторыі Іраку, іншая ісламісцкая тэрарыстычная групоўка «Бока Харам» працягвае захопліваць гарады на паўночным усходзе Нігерыі. «Мне здаецца, — адзначыў нігерыйскі кардынал Джон Аларунфемі Анаякан, —  што “Бока Харам” здолела пакласці вялікі раскол паміж хрысціянамі і мусульманамі, якія на працягу многіх гадоў жылі разам, як браты і сёстры, у адных вёсках. Гэта прымушае хвалявацца».

У Пінску вернікі касцёла Унебаўзяцця Найсвяцейшай Панны Марыі 23 жніўня, у Еўрапейскі Дзень памяці ахвяраў таталітарызму, маліліся за душы ахвяр бальшавізму і нацызму.