26 чэрвеня Святой Імшой ў 7.00 распачалася чарговая пешая пілігрымка Баранавічы - Будслаў. Эўхарыстую цэлебраваў біскуп Антоній Дзям'янка.

Паўднёваафрыканская паліцыя арыштавала двое мужчын, якія падазраюцца ў забойстве 82-гадовай манахіні з ЗША Мэры Пол Так (Mary Paule Tacke) з Кангрэгацыі сясцёр місіянерак Найсвяцейшай Крыві (CPS), таксама вядомай як Місіянеры Марыянхіла. Манахіня загінула падчас вулічных беспарадкаў. Расследванне справы працягваецца.

«Сям’я – гэта фундаментальная ячэйка чалавечага грамадства», нагадаў арцыбіскуп Сільвана Тамазі, пастаянны назіральнік Апостальскай Сталіцы пры ААН у Жэневе, выступаючы на 26-й сесіі Рады па правах чалавека. Ватыканскі іерарх падкрэсліў, што «сям’я працягвае дэманстраваць большы запал» у параўнанні з сілай тых, хто спрабуе яе знішчыць «як рэліквію мінулага, перашкоду для эмансіпацыі індывідуума або стварэння свабоднага, шчаслівага і роўнага грамадства».

20-21 чэрвеня ў Санктуарыі Маці Божай Фацімскай адбылася чацвёртая сустрэча душпастырства настаўнікаў, выкладчыкаў і выхавацеляў Гродзенскай дыяцэзіі. Запланаваныя падчас сустрэчы мерапрыемствы дазволілі яшчэ раз паразважаць над важнымі пытаннямі веры, духоўнага развіцця  асобы самога настаўніка, сучаснай моладзі.

25 чэрвеня працягнулася Агульнабеларуская пілігрымка на Святую Зямлю. Раніцай усе групы пілігрымаў сустрэліся на агульнай святой Імшы ў базыліцы св. Кацярыны Александрыйскай, якая знаходзіцца побач з Базылікай Нараджэння Езуса.

Цудоўная навіна для аматараў беларускай хрысціянскай музыкі — да ўрачыстасці ў Будславе прымеркаваны выхад новага дыска «Таямніца Любові» ад моладзевага хора Gloria з мінскай архікатэдры. 

Сакратар Апостальскай Нунцыятуры ў Рэспубліцы Беларусь мансіньёр Філіппо Чампанэлі сустрэўся з Яго Святасцю Папам Францішкам. Падчас размовы мансіньёр Чампанэлі распавёў Папу Францішку аб жывой веры і сталай малітве, якой католікі Беларусі суправаджаюць асобу Пантыфіка і яго місію.