Папа Францішак заклікаў кубінскае духавенства даваць сведчанне беднасці і міласэрнасці. Святы Айцец сустрэўся з яго прадстаўнікамі 20 верасня ў катэдральным касцёле Гаваны. Да сабраных Пантыфік звярнуўся экспромтам.

20 верасня пасля святой Імшы ў Гаване Папа Францішак сустрэўся з былым Прэзідэнтам Кубы Фідэлем Кастра. Размова ў рэзідэнцыі пажылога палітыка працягвалася каля 30 хвілін у цёплай і нефармальнай атмасферы.

Жанчыны, якія вызваліліся з няволі злачыннага секс-бізнесу і вярнуліся да нармальнага жыцця, распавядаюць, чаму легалізацыя прастытуцыі не мае нічога агульнага з дабром грамадства.

Традыцыйна ў трэцюю нядзелю верасня адбываецца пешая пілігрымка дзяцей і моладзі, настаўнікаў і выхавацеляў, выкладчыкаў і катэхетаў з Гродна і ваколіц у санктуарый Маці Божай Яснагорскай Цярпліва Слухаючай на Узгорку Надзеі ў Капцёўцы (Гродзенская дыяцэзія). Сёлетняя пілігрымка прайшла пад дэвізам «З Марыяй у новы навучальны год».

20 верасня ў парафіі Маці Божай Бялыніцкай у Бялынічах адбылася парафіяльная ўрачыстасць каранацыі абраза Маці Божай папскімі каронамі ў 1761 г. Ганаровым госцем урачыстасці стаў дапаможны біскуп Мінска-Магілёўскай архідыяцэзіі Аляксандр Яшэўскі SDB, які ўпершыню наведаў гэтую парафію.

У ноч з 20 на 21 верасня з Нацыянальнага аэрапорта «Мінск» у кірунку Святой Зямлі вылецеў самалёт з удзельнікамі ІV Нацыянальнай пілігрымкі, мэтай якой стане наведванне месцаў жыцця і дзейнасці Хрыста, а таксама асвячэнне памятных дошак з тэкстамі малітваў «Magnificat» і «Benedictus» на беларускай мове.

19 верасня ў парафіі Маці Божай Бялыніцкай у г. Горкі адбылася парафіяльная ўрачыстасць і асвячэнне капліцы ў гонар Маці Божай Бялыніцкай. Упершыню ў якасці дапаможнага біскупа Мінска-Магілёўскай архідыяцэзіі парафію наведаў біскуп Аляксандр Яшэўскі SDB, які ўзначаліў урачыстасць і асвяціў капліцу.