Папа Францішак даў інтэрв’ю аргенцінскай радыёстанцыі «FM Milenium» і партугальскай «Rádio Renascença». У першым Пантыфік засяродзіўся на тэмах сяброўства, сустрэчы, дыялогу і клопату аб стварэнні, а ў другім, прымеркаваным да візіту біскупаў Партугаліі ў Ватыкан, – на праблемах моладзі і катэхізацыі.

Група вязняў з рымскай турмы «Рэбібія» мела магчымасць наведаць Ватыкан. 13 верасня яны пабывалі ў папскіх садах і ў базыліцы, а таксама для іх была праведзена экскурсія па Ватыканскіх музеях.

У чацвёрты дзень працы Пленарнай Асамблеi Рады Бiскупскiх Канферэнцый Еўропы, 14 верасня, завяршыліся паведамленні бiскупаў аб сітуацыі Касцёла ў іх краінах. У асамблеі прымае ўдзел таксама Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч.

13 верасня парафія Нараджэння Найсвяцейшай Панны Марыі ў Зарачанцы адзначыла адпустовую ўрачыстасць. На малітве ў гэты дзень сабралася шмат парафіян і гасцей парафіі. Урачыстую адпустовую Імшу ўзначаліў рэктар Вышэйшай духоўнай семінарыі ў Гродне кс. Раман Рачко.

Кангрэгацыя Місіянераў Святой Сям'і прыняла ў свае шэрагі Аляксея Паплёўку з Лагойска, які склаў вечныя манаскія абяцанні ў гэтай супольнасці. Урачыстасць адбылася ў семінарыі кангрэгацыі ў Казімежы Біскупскім (Польшча) 8 верасня.

«Павінен быць узвышаны Сын Чалавечы»

Біскуп Аляксандр Яшэўскі SDB зрабіў сэлфі ў Ватыкане, у Гродне «рэпеціравалі» Сусветную сустрэчу сем’яў, у Будславе прайшла сустрэча манахінь з Мінска-Магілёўскай архідыяцэзіі і іншыя падзеі з жыцця Касцёла ў Беларусі за апошні тыдзень.

Трэцi дзень працы Пленарнай Асамблеi Рады Біскупскіх Канферэнцый Еўропы пачаўся малiтвай Ютранi. Затым працягнуліся выступленнi бiскупаў з розных краiн Еўропы. Асамблея праходзіць на Святой Зямлі з 11 па 16 верасня, епіскапат Беларусі на ёй прадстаўляе Мітрапаліт Мінска-Магілёўскі арцыбіскуп Тадэвуш Кандрусевіч.