Лік католікаў ва ўсім свеце за апошні час працягвае расці і складаў на канец 2013 года 1,253 млрд. ахрышчаных, што складае 17,7% насельніцтва планеты. Гэтыя дадзеныя змешчаны ў статыстычным штогодніку Каталіцкага Касцёла (Annuariun Statisticum Ecclesiale), які ў сакавіку 2015 года быў апублікаваны Дзяржсакратарыятам Святога Прастола.
1 красавіка ў парафіі Адведзінаў Найсвяцейшай Панны Марыі ў Ганцавічах адбылося пахаванне Пятра Рылкі, бацькі кс. Андрэя Рылкі, канцлера Пінскай курыі. Пахаванне ўзначаліў біскуп Пінскі Антоні Дзям’янка.
1 красавіка Службай папскіх літургічных цэлебрацый быў апубліканы спіс асобаў, якія будуць несці крыж падчас набажэнства Крыжовага шляху ў рымскім Калізеі. Сярод іх: тры сям’і — адна з якіх шматдзетная, а другая з усыноўленымі дзецьмі, хворыя, іракскія, італьянскія і лацінаамерыканскія законніцы, грамадзяне Сірыі, Нігерыі, Егіпту і Кітая.
Сёння мы пагаворым аб Калегіі Біскупаў. Праз біскупскае пасвячэнне і іерархічную супольнасць з Рымскім Пантыфікам і іншымі членамі кожны біскуп становіцца членам Калегіі Біскупаў, і гэтая Калегія разам са сваім cтаршынёй — Рымскім Пантыфікам — і ніколі без яго з’яўляецца суб’ектам найвышэйшай улады ў Касцёле.
Увайсці ў таямніцу смерці і ўваскрасення Езуса Хрыста, а не абмяжоўвацца толькі ўспамінам пра яе, заклікаў Папа Францішак падчас агульнай аўдыенцыі на плошчы св. Пятра 1 красавіка. Катэхезу Пантыфік прысвяціў значэнню Святога Пасхальнага Трыдуума, які пачнецца 2 красавіка – у Вялікі чацвер – Імшой Вячэры Пана.
31 сакавіка Папа Францішак прызначыў прэфектам Кангрэгацыі Каталіцкай Адукацыі кардынала Джузэпэ Версальдзі, які да гэтага часу быў старшынёй Прэфектуры эканамічных спраў Апостальскай Сталіцы.
31 сакавіка ў будынку Віцебскай дыяцэзільнай курыі адбылася прэс-канферэнцыя біскупа Віцебскага Алега Буткевіча, падчас якой іерарх распавеў аб асноўных падзеях, што пройдуць у Віцебскай дыяцэзіі на працягу гэтага года.
Падчас прэс-канферэнцыі, што прайшла 31 сакавіка ў будынку Віцебскай дыяцэзіяльнай курыі, віцебскі ардынарый біскуп Алег Буткевіч, распавядаючы аб набажэнствах Святога Пасхальнага Трыдууму, адзначыў, што вельмі важна, каб людзі адчулі патрэбу ўдзелу ў літургіі, нагадаўшы, што зараз модна казаць, што я «маю Бога ў сэрцы».
“Уваскрослы Хрыстус вярнуў нам жыццё, страчанае праз першародны грэх першых продкаў. Мы маем магчымасць цяпер пілігрымаваць з Хрыстом праз штодзённасць у вечнасць. Жадаю ўсім вам глыбокай веры, жывой надзеі і бясстрашнай любові”, - піша біскуп Антоні Дзям’янка.
«У святы Уваскрасення Пана жадаю вам, каб вера ў Хрыста, які ёсць з намі і жыве ў нас, стала крыніцай глыбокай унутранай радасці, моцы духа, мужнасці і стойкасці ў добрым. Нам нельга стамляцца сведчыць аб надзеі, якая ёсць у нас», — піша біскуп Гродзенскі.