Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Цяжкія старонкі Святога Пісання: чаму Бог Старога Запавету прадстаўляецца ў Святым Пісанні жорсткім?
Цяжкія старонкі Святога Пісання
21.11.2016 11:33

Чытаючы Стары Запавет, сапраўды можна сустрэць вельмі цяжкія для разумення сцэны Божага гневу, асабліва ў адносінах да язычнікаў або нават да выбранага народа, калі той адыходзіць ад Божага закону. Пэўныя ўрыўкі Святога Пісання могуць нават шакаваць чалавека, але памылкай было б спрабаваць зразумець Бога толькі па некалькіх фрагментах Бібліі. Гэта можа паспрыяць стварэнню фальшывага вобразу Бога. 

Святое Пісанне паступова рыхтуе нас да пазнання Бога «міласэрнага і літасцівага, цярплівага, багатага на ласкі і вернасць», рыхтуе да адкрыцця важнай праўды пра тое, што «Бог так палюбіў свет, што аддаў Сына свайго Адзінароднага, каб кожны, хто верыць у Яго, не загінуў, але меў жыццё вечнае».

Сапраўды, вельмі часта вобраз Бога, які малюецца ў Старым Запавеце, — гэта вобраз Валадара, які патрабуе ад свайго стварэння поўнай падданасці. За непаслухмянасць Бог карае першых людзей выгнаннем з раю, за шматлікія грахі карае чалавецтва патопам (але ратуе вернага Яму Ноя). За амаральнае жыцце насельнікаў Садомы і Гаморы Бог знішчае гэтыя гарады (але варта ўспомніць, што Бог абяцае Абрагаму не знішчаць гэтыя гарады, калі там знойдзецца прынамсі дзесяць справядлівых).


Джон Марцін. Знішчэнне Садома и Гаморы, 1852

Так можна было б пералічваць і далей, але ўжо гэтыя ўрыўкі Святога Пісання выразна даюць зразумець, што гнеў Божы з’яўляецца наступствам адыходу чалавека ад Божага закону. Зрэшты, пра тое, што Бог доўгацярплівы і міласэрны, нагадвае ўрывак пра аздараўленне жыхароў Нінівы. Бог не знішчыў горад, жыхары якога пасля закліку прарока Ёны паверылі Богу і адвярнуліся ад злых учынкаў.

Напрыканцы хацелася б зазначыць, што ў Старым Запавеце словы пра Божую любоў мы сустракаем куды часцей, чым словы пра Божы гнеў, «які доўжыцца толькі імгненне».

Кс. Дзмітрый Леўчык

dКс. Дзмітрый Леўчык — святар Гродзенскай дыяцэзіі, дактарант Інстытута Біблейскіх Навук Люблінскага Каталіцкага ўніверсітэта св. Яна Паўла ІІ

Калі ў вас ёсць пытанні, якія датычаць Святога Пісання, дасылайце іх на адрас Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript . У тэме ліста пазначце: «Цяжкія старонкі Бібліі».

 

Пры выкарыстанні матэрыялаў сайта спасылка на Catholic.By абавязкова.

Цяжкія старонкі Святога Пісання

23.06 12:40Цяжкія старонкі Святога Пісання: Айцом называйце толькі Бога
24.05 16:24Правіны ці грахі: што маецца на ўвазе пад словамі «...і адпусці нам правіны нашыя» ў малітве «Ойча наш»?
07.05 07:28Цяжкія старонкі Святога Пісання: па-габрэйску ці па-грэчаску чытаў Езус у сінагозе ў Назарэце?
05.04 11:39Цяжкія старонкі Святога Пісання: чаму Бог ахвяру ад Абэля прыняў, а ад Каіна — не?
25.03 09:56Цяжкія старонкі Святога Пісання: у чым розніца «народа ізраэльскага» ад «народа габрэйскага»?
10.03 12:35Цяжкія старонкі Святога Пісання: хто і калі павінен пакрываць галаву ў Касцёле?
03.03 09:00Цяжкія старонкі Святога Пісання: калі прыйдзе Валадарства Божае?
30.01 14:51Цяжкія старонкі Святога Пісання: чаму Бог рабіў жорсткім сэрца фараона?
21.01 11:00Цяжкія старонкі Святога Пісання: грэх супраць Духа Святога не будзе адпушчаны ні ў гэтым веку, ні ў будучым?
17.01 08:54Цяжкія старонкі Святога Пісання: чаму, калі жаніх спазняўся, то паснулі ўсе — і мудрыя, і неразумныя?