15 ліпеня 2012 г. у парафіі Св. Мікалая, біскупа, у Свіры адбылася прыміцыйная святая Імша новапрэзбітэра кс. Дзмітрыя Дубовіка, які паходзіць з мінскай парафіі Св. Сымона і св. Алены.

Урачыстасць распачалася працэсійным уваходам новапрэзбітэра, які па традыцыі крочыў у вянку. У гаміліі кс. Дзмітрый Дубовік закрануў тэму вернасці ў адносінах да сваіх бліжніх, а таксама падкрэсліў важнасць аўтэнтычнага стаўлення да самога сябе.

Напрыканцы літургіі святар удзяліў прысутным прыміцыйнае благаслаўленне, а сваёй маці падарыў кветкі, выражаючы ўдзячнасць за дар нараджэння і выхавання.

С. Фаўстына Рак CMN