Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Ксёндз Віталь Даніловіч МІС цэлебраваў прыміцыйную святую Імшу ў Наваполацку
Беларусь - Віцебская дыяцэзія
04.02.2013 17:40

3 лютага парафія Найсвяцейшага Сэрца Езуса ў Наваполацку перажыла ўрачыстасць. Ксёндз Віталь Даніловіч МІС, якому 2 лютага Апостальскі Нунцый у Беларусі арцыбіскуп Клаўдыё Гуджэроцці ўдзяліў святарскае пасвячэнне, цэлебраваў у сваёй роднай парафіі прыміцыйную святую Імшу.

Парафіяльны касцёл сабраў шматлікіх вернікаў і гасцей. Пры алтары разам з новапрэзбітэрам маліліся правінцыял марыянаў кс. Павел Навумовіч MIC, браты ў святарстве, дыякан і семінарысты. Гамілію прамовіў кс. Андрэй Сідаровіч MIC, які пажадаў маладому святару быць, як прарок Ерамія, «верным Божаму слову і быць падобным да нашага Настаўніка Езуса Хрыста».

На заканчэнне святой Імшы прадстаўнікі парафіі выказалі свайму земляку віншаванні і ўручылі кветкі і падарункі ад парафіяльнай супольнасці.

Новапрэзбітэр выказаў усім падзяку за прысутнасць у такі важны для яго момант, а таксама за малітву ў яго інтэнцыі. Асаблівым чынам кс. Віталь Даніловіч падзякаваў пробашчу парафіі кс. Аляксандру Чайкоўскаму за прыклад святарскага жыцця, на што той адказаў пажаданнем маладому святару, каб святая Імша ніколі не сталася для яго руцінай і каб ён памятаў, што заўсёды ёсць і будуць людзі, якія прагнуць яго святарскай паслугі.

С. Марыя Магдалена Дзевульска CR

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў