Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Прыміцыйная Імша кс. Вячаслава Адамовіча адбылася ў Полацку
Беларусь - Віцебская дыяцэзія
20.08.2012 14:23

18 жніўня 2012 г. у Браславе ва ўрачыстасць Маці Божай Валадаркі Азёраў адбылася Імша з удзяленнем святарскага і дыяканскага пасвячэнняў. Сярод трох новапрэзбітэраў быў кс. Вячаслаў Адамовіч. Нарадзіўся ён у 1985 годзе ў вайсковым гарадку каля Ветрына, у сям’і вайскоўца. У 1992 годзе сям’я пераехала ў Фарынава. Там будучы святар скончыў школу.

У 2006 годзе распачаў вучобу ў прымасоўскай Вышэйшай духоўнай семінарыі ў Гнезне і ва ўніверсітэце імя Адама Міцкевіча ў Познані. Дыяканскую практыку праходзіў у Паўлове (Польшча), у прымасоўскай архікатэдры ў Гнезне і ў Глыбокім. Вучобу і семінарыйную фармацыю скончыў у 2012 годзе з тытулам магістра тэалогіі,  абараніўшы працу «Роля працэсіі паводле Дырэктывы аб народнай пабожнасці і літургіі».

Пасля заканчэння семінарыі ў жыцці кс. Вячаслава Адамовіча адбыўся вельмі важны і адказны момант — сказаўшы канчаткова Пану «так», ён прыняў святарскае пасвячэнне. Другім важным момантам у жыцці кс. Вячаслава стала першая прыміцыйная св. Імша, якая адбылася 19 жніўня ў Полацку. Ва ўрачыстай літургіі прынялі ўдзел бацькі, родныя, знаёмыя, святары і сёстры законныя. Гамілію падчас прыміцыйнай св. Імшы прамовіў кс. Віктар Місевіч. Напрыканцы Эўхарыстыі новапрэзбітэр падзякаваў найперш Пану Богу за дар паклікання да святарства, бацькам і хросным, а таксама ўсім тым, хто прычыніўся да яго ўзрастання ў веры і распазнання паклікання ў сваім жыцці.

Словы віншавання да святара скіравалі дзеці, моладзь і дарослыя з полацкай парафіі. Напрыканцы св. Імшы святары, сёстры законныя, бацькі, брат і ўсе сабраныя парафіяне і госці атрымалі прыміцыйнае благаслаўленне.

Дзякуем Пану Богу за кс. Вячаслава, за новых святароў, няхай добры Бог адорыць іх сваёю моцай і бязмежнай любоўю, каб былі мужнымі сведкамі ў абвяшчэнні Добрай весткі.

С. Святлана Грэйць

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў