Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Андрэйкі ў Наваполацку і Віцебску: і да танца, і да ружанца
Беларусь - Віцебская дыяцэзія
03.12.2012 12:35
Лічыцца, што Андрэйкі — апошняя магчымасць «павесяліцца» перад Адвэнтам, які прадугледжвае ўстрыманне ад гучных забаваў. У парафіях Найсвяцейшага Сэрца Езуса ў Наваполацку і Езуса Міласэрнага ў Віцебску моладзь гэтай магчымасцю якраз і скарысталася. 
 
На заканчэнне літургічнага года і ва ўспамін святога апостала Андрэя 30 лістапада моладзь з парафіі Найсвяцейшага Сэрца Пана Езуса ў Наваполацку сабралася ў кляштары сясцёр змёртвыхпаўстанак, каб святкаваць Андрэйкі.
 
Пачыналася спатканне моладзі адарацыяй Найсвяцейшага Сакрамэнту, падчас якога ў цішыні сваіх думак прысутныя даверылі Богу свае намеры і памкненні. 
Пасля адарацыі хлопцы і дзяўчаты перамясціліся ў залу для адпачынку.
 
«Не было ніводнай гульні, звязанай з варажбой: хрысціяне не займаюцца такімі рэчамі, — піша нам с. Магдалена Дзевульска СR. — Моладзь спрабавала сябе ў старажытных беларускіх танцах, а таксама ў гульнях».
 
Напярэдадні Адвэнту (1 снежня) прайшлі Андрэйкі і ў парафіі Езуса Міласэрнага ў Віцебску. Спачатку на сустрэчы сабраліся дзеці, пасля да іх далучылася і моладзь — кожны хацеў як мага лепш «адпачыць» перад распачаццем Адвэнту.
 
«Адметна тое, што пачаткам радаснага чакання Збаўцы для моладзі сталі Нешпары першай нядзелі Адвэнту, якімі яны супольна маліліся, — піша кс. Валерый Марціноўскі. — Вось так паступова традыцыйная малітва Касцёла адраджаецца і на ўсходзе Беларусі».
 
Упершыню Андрэйкі пачалі святкаваць у краінах Паўднёвай і Заходняй Еўропы ў ХІІ ст. На беларускія землі свята прыйшло ў XV-XVI ст.

 (JLS)
Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў