Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Праслаўляць Бога праз спорт. Незвычайныя сустрэчы ў Вілейцы
Беларусь - Мінска-Магілёўская архідыяцэзія
27.09.2012 13:11

Ужо другі год запар у Вілейскай парафіі праходзяць незвычайныя сустрэчы. Моладзь і старэйшыя, дзяўчаты і хлопцы збіраюцца кожны тыдзень, каб разам маліцца і праслаўляць Бога праз спорт.

Як адзначае кс. Андрэй Кеўліч, ідэя арганізоўваць такія сустрэчы ў парафіі нарадзілася ў яго яшчэ падчас вучобы ў семінарыі. Прыехаўшы працаваць у Вілейку, святар убачыў вялікую колькасць дзяцей і моладзі, і зразумеў, што з’яднаць іх дапаможа спорт. Цяпер сустрэчы (футбол, валейбол) арганізоўваюцца і для старэйшых людзей. Часам у Вілейку прыязджаюць юнакі з Маладзечна.

Сустрэчы папярэднічае Імша, а сама гульня распачынаецца і завяршаецца малітвай.

«Упэўнены, што мы можам разам праслаўляць Бога праз спорт, клапоцячыся не толькі аб здароўі цела, а перад усім душы», — дадаў кс. Андрэй Кеўліч.

Святлана Жылевіч

 

Пры выкарыстанні матэрыялаў сайта спасылка на Catholic.By абавязкова.