27 красавіка ў капліцы Маці Божай Шкаплернай у Мінску тры новыя сястры былі прынятыя ў навіцыят трэцяга ордэна свецкіх. Радасная падзея адбылася падчас штомесяцовай сустрэчы кармэліцкай супольнасці.

Традыцыйна кожная сустрэча мае сталую праграму, куды акрамя супольнай малітвы ўваходзіць таксама малітва асабістая, а таксама абмеркаванне пытанняў фармацыі.

Кульмінацыяй чарговай сустрэчы была св. Імша, падчас якой тры асобы распачалі двухгадовы перыяд фармацыі (навіцыят). Тры свецкія асобы, члены Свецкага закону кармэлітаў босых, урачыста апранулі шкаплеры, просячы аб далучэнні іх да супольнасці Свецкага закону кармэлітаў босых у Мінску.

Для мінскай супольнасці гэта вялікая радасць, бо ўжо больш за 20 асобаў супольнасці зараз з’яўляюцца братамі і сёстрамі ў навіцыяце. Калі Бог дазволіць, ужо ў наступным годзе ў маі яны складуць свае першыя шлюбы, працягваючы часовую фармацыю.

А. Пётр Фраштэнга OCD,
кіраўнік супольнасці свецкіх кармэлітаў у Мінску