9 мая 2013 г. іерархі Каталіцкага Касцёла прынялі ўдзел ва ўрачыстых мерапрыемствах у гонар 68-й гадавіны Перамогі ў Мінску. На плошчы Перамогі прысутнічалі Апостальскі Нунцый у Беларусі арцыбіскуп Клаўдыё Гуджэроцці і Мітрапаліт Мінска-Магілёўскі арцыбіскуп Тадэвуш Кандрусевіч.

Ад каталіцкіх іерархаў ляглі кветкі і вянкі да манумента Перамогі. Вянок да манумента ўсклаў таксама Прэзідэнт Беларусі Аляксандр Лукашэнка, прадстаўнікі дзяржаўнай улады, грамадскіх аб’яднанняў, дыпламатычнага корпуса, Беларускай Праваслаўнай Царквы.

Прэзідэнт прывітаў кіраўнікоў дыпламатычных місій замежных дзяржаў. Таксама ўсе прысутныя на плошчы Перамогі ўшанавалі памяць герояў і ахвяраў Вялікай Айчыннай вайны хвілінай маўчання.

Акрамя гэтага, сёння, 9 мая, падчас святой Імшы ў мінскім архікатэдральным касцёле, якая пачнецца ў 18.30, Мітрапаліт Тадэвуш Кандрусевіч будзе маліцца за ахвяраў Другой сусветнай вайны.

Анастасія Грышан