Папа Францішак пацвердзіў станоўчае рашэнне пленарнай сесіі кардыналаў і біскупаў, членаў Кангрэгацыі па справах Кананізацыі, адносна надання тытула Доктара Паўсюднага Касцёла святому Грыгорыю з Нарэка — армянскаму святару і законніку, паэту і вучонаму.

У італьянскім мястэчку Арыча праходзяць велікапосныя практыкаванні, у якіх прымаюць удзел Папа Францішак і супрацоўнікі Рымскай Курыі. Рэкалекцыі прысвечаны душпастырскім тэмам у святле біблійнага апавядання пра прарока Іллю.

Рашуча ўстаць на шлях Езуса, які вядзе да жыцця, – заклік першай нядзелі Вялікага посту, адзначыў Папа Францішак 22 лютага перад малітвай “Анёл Панскі”, звяртаючыся да вернікаў, сабраных на галоўнай ватыканскай плошчы.

22 лютага на плошчы св. Пятра ў Ватыкане былі раздадзены каля 50 тыс. экземпляраў кішэнных дапаможнікаў па духоўным жыцці “Барані сэрца”. Звяртаючыся да вернікаў пасля малітвы “Анёл Панскі”, Папа Францішак пажадаў, каб гэтае выданне дапамагло ім у навяртанні і духоўным росце, які заўсёды пачынаецца ад выхавання сэрца.

21 лютага Папа Францішак прыняў на аўдыенцыі Канцлера Федэратыўнай Рэспублікі Германія Ангелу Меркель. Пасля сустрэчы з Пантыфікам яна размаўляла таксама з Дзяржсакратаром Святога Пасаду кардыналам Пьетро Паралінам.

Папа выказаў блізкасць украінскаму народу і запэўніў у сваёй малітоўнай падтрымцы, заклікаў усе бакі трываючага ва Украіне канфлікту да міру, рэалізацыі дасягнутай згоды і павагі да прынцыпаў міжнароднага права, пажадаў, каб захоўвалася нядаўна заключанае перамір’е.

Хай «дар слёз» — глыбокага перажывання чалавекам духоўнага навяртання — зробіць нашу малітву і шлях навяртання да Бога больш праўдзівымі і свабоднымі ад крывадушнасці. З такім пасланнем звярнуўся да вернікаў Папа Францішак 18 лютага вечарам падчас святой Імшы ў рымскай базыліцы св. Сабіны.

«Cёння, як ніколі, важна паставіць братэрства ў цэнтр нашага тэхнакратычнага і бюракратычнага грамадства», — адзначыў Папа Францішак 18 лютага падчас агульнай аўдыенцыі на плошчы св. Пятра. 

«Шчаслівыя чыстыя сэрцам, бо яны Бога ўбачаць» — гэтыя словы з пятага раздзелу Евангелля паводле Мацвея сталі лейтматывам паслання Папы Францішка на 30-ы Сусветны дзень моладзі, які пройдзе ва ўсіх дыяцэзіях свету ў Пальмовую нядзелю, 29 сакавіка.

Задумацца над іх адносінамі і падыходам да хворых і бедных заклікаў Папа Францішак вернікаў у разважанні перад малівтай «Анёл Панскі» 15 лютага на галоўнай ватыканскай плошчы.

Логіка любові Хрыста — гэта шлях Касцёла, падкрэсліў Папа Францішак, звяртаючыся да новых кардыналаў 15 лютага падчас Эўхарыстыі ў ватыканскай базыліцы. 14 лютага Пантыфік далучыў да Калегіі кардыналаў 20 іерархаў, прадстаўнікоў усіх кантынентаў.

14 лютага 20 новых кардыналаў прынялі з рук Папы Францішка ў базыліцы св. Пятра знакі сваёй годнасці. Дапаўненнем цырымоніі стане ўрачыстая святая Імша, якую Пантыфік узначаліць у базыліцы 15 лютага ў падзяку Богу за дар новых кардыналаў для Касцёла.

Свае меркаванні наконт актуальных праблем сённяшняй дыпламатыі выказаў у інтэрв’ю італьянскай газеце “Frontiera” 10 лютага Дзяржаўны сакратар Святога Пасаду кардынал Пьетро Паралін.

12 лютага ў Ватыкане Папа Францішак адкрыў кансісторый, на якім будуць разглядацца пытанні рэформы Рымскай курыі. У сваім звароце да ўдзельнікаў пасяджэння Пантыфік падкрэсліў, што асноўная мэта кансісторыя — спрыянне гарманізацыі працы розных ведамстваў, наладжванне больш эфектыўнага супрацоўніцтва ў духу абсалютнай празрыстасці, сінадальнасці і калегіяльнасці.