4 студзеня Папа Францішак агучыў імёны новых кардыналаў. Гэта адбылося падчас сустрэчы з вернікамі на малітве “Анёл Панскі”.

З нагоды 70-й гадавіны вызвалення канцэнтрацыйнага лагера “Аўшвіц” яго былыя польскія зняволеныя 7 студзеня будуць прыняты на аўдыенцыі ў Ватыкане Папам Францішкам. Іх будуць суправаджаць таксама былыя вязні нацысцкіх катавальняў з Францыі, Германіі і Чэхіі.

На мацярынства Касцёла звярнуў увагу Святы Айцец 1 студзеня ў гаміліі на Эўхарыстыі ва ўрачыстасць Святой Багародзіцы Марыі. Папа нагадаў, што Найсвяцейшая Дзева аб’яднана з Езусам, “таму што атрымала ад Яго пазнанне сэрца, пазнанне веры, якое сілкуецца досведам маці і ўнутранымі адносінамі з Сынам”.

Грамадства, якое ігнаруе бедных і пераследуе іх, само збядняе сябе да стану галечы, адзначыў Папа Францішак 31 снежня вечарам падчас урачыстых Нешпараў на заканчэнне года, якія адбыліся ў ватыканскай базыліцы.

Сінод Біскупаў, беатыфікацыйныя і кананізацыйныя ўрачыстасці з удзелам адразу двух Пантыфікаў, вялікая колькасць вернікаў на аўдыенцыях Папы Францішка – пра гэта і не толькі ў аглядзе Catholic.by

З нагоды 23-га Сусветнага дня хворых, які будзе адзначацца 11 лютага 2015 г., Папа Францішак звярнуўся да ўсіх абцяжараных хваробамі людзей, а таксама да прафесіяналаў і валанцёраў у галіне аховы здароўя.

21 сакавіка 2015 г. Папа Францішак наведае Пампеі і памоліцца ў санктуарыі Маці Божай Ружанцовай. Гэты візіт распачне трэцяе апостальскае падарожжа Святога Айца ў італьянскі рэгіён Кампанія.

Папа Францішак скіраваў пасланне ўдзельнікам 37-й Еўрапейскай сустрэчы моладзі, якая праходзіць у Празе (Чэхія). Такія форумы, па словах Пантыфіка, вучаць таму, як праз «малітву і ўзаемны дыялог быць соллю зямлі».

«Езус — Той, які збліжае розныя пакаленні. Ён крыніца той любові, якая аб’ядноўвае сем’і і людзей, які перамагае кожны недавер, кожную замкнутасць, кожную адлегласць», — сказаў Папа Францішак у разважанні падчас малітвы «Анёл Панскі» на плошчы св. Пятра 28 снежня.

26 снежня ў разважаннях перад малітвай “Анёл Панскi” Папа Францішак нагадаў вернікам пра неабходнасць быць паслядоўнымі ў веры, якую яны вызнаюць. Нагадваючы пра першамучаніка Стэфана, Пантыфік заўважыў, што яго прыклад заахвочвае жыць як хрысціяне, а не толькі дэклараваць сваё хрысціянства, а жыць па-язычніцку.

Напярэдадні Божага Нараджэння Папа Францішак патэлефанаваў хрысціянскім бежанцам, якія знаходзяцца ў іракскім Эрбіле, і выказаў ім сваю падтрымку. Пантыфік звярнуўся да некалькіх сотняў вернікаў, сабраных у вялікім зале ў паўночным прыгарадзе горада.

25 снежня, ва ўрачыстасць Нараджэння Пана, Папа Францішак звярнуўся да тысяч вернікаў, сабраных на ватыканскай плошчы, з цэнтральнай лоджыі базылікі св. Пятра са святочным пасланнем “Urbi et Orbi” (Гораду і Свету).

“Як моцна сённяшні свет патрабуе пяшчоты!” - адзначыў Папа Францішак падчас святой Імшы на Божае Нараджэнне. Імша праходзіла познім вечарам 24 снежня ў базыліцы св. Пятра ў Ватыкане.

Папа Францішак напісаў адмысловы ліст да католікаў Блізкага Усходу напярэдадні Нараджэння Пана, заахвоціўшы іх мужна вызнаваць сваю веру. Пантыфік прызнаўся ў сваёй занепакоенасці лёсам вучняў Хрыста, якія жывуць на Святой Зямлі з апостальскіх часоў, і выказаў салідарнасць усяго Касцёла з імі.