22 студзеня Папа Францішак прыняў дэлегацыю прадстаўнікоў Інспекцыі грамадскай бяспекі пры Ватыкане з нагоды яе 70-й гадавіны. У сваім звароце да паліцэйскіх Пантыфік выказаў падзяку за штодзённую працу, якую яны выконваюць з прафесіяналізмам і адданасцю.

У Ватыкане выпусцілі новую марку з выявай Пантыфіка. На марцы змешчаны фотаздымак Папы Францішка, які благаслаўляе немаўля. Марка будзе выкарыстоўвацца ў дзяржаве Ватыкан.

Падчас агульнай аўдыенцыі 21 студзеня Папа Францішак падзяліўся ўражаннямі ад свайго нядаўняга апостальскага візіту ў Шры-Ланку і Філіпіны. Святы Айцец прызнаўся, што назаўсёды захавае ў сэрцы ўспаміны пра святочны прыём з боку бязмежна вялікай колькасці людзей.

Папа прызначыў членаў спецыяльнай Калегіі па апеляцыі да Звычайнай сесіі Кангрэгацыі Веравучэння.

Пра ўражанні ад знаходжання на Філіпінах, планы чарговых падарожжаў, адказнае бацькоўства і сацыяльныя праблемы гутарыў Святы Айцец 19 студзеня з журналістамі на борце самалёта падчас вяртання з Манілы ў Рым. Папа таксама распавёў пра “ідэалагічную каланізацыю” і гендэрную тэорыю.

18 студзеня Папа Францішак сустрэўся ў Апостальскай нунцыятуры ў Маніле з бацькам валанцёркі Крыстэль Падасас, якая загінула напярэдадні ў Таклабане, калі з-за моцнага парыву ветру на яе ўпала частка рыштаванняў. Раней Святы Айцец спрабаваў таксама патэлефанаваць маці дзяўчыны, якая працуе ў Ганконгу.

17 студзеня Папа Францішак здзейсніў візіт на філіпінскі востраў Таклабан, які два гады таму стаў эпіцэнтрам разбуральнага тайфуна “Хаян”, што ўнёс жыцці амаль 8 тыс. чалавек і прычыніў вялікія матэрыяльныя страты. З прычыны кепскага надвор’я час прабывання Святога Айца на востраве быў скарочаны на чатыры гадзіны.

Цэнтральнай падзеяй першага дня падарожжа Папы Францішка на Філіпіны, 16 студзеня, стала сустрэча з сем’ямі. Яна прайшла на тэрыторыі спартыўнага комплексу “Mall of Asia Arena” ў Маніле, здольнага ўмясціць каля 20 тыс. чалавек.

“Бедныя знаходзяцца ў цэнтры Евангелля. Калі мы ўбярэм бедных з Евангелля – не зможам зразумець паслання Хрыста”, – адзначыў Папа Францішак 16 студзеня падчас Эўхарыстыі ў катэдральным касцёле Манілы, якую разам з Пантыфікам канцэлебравалі каля 600 мясцовых біскупаў і святароў.

Супрацьстаяць сацыяльнай няроўнасці і слухаць голас бедных заклікаў Папа Францішак філіпінскіх палітыкаў і членаў дыпламатычнага корпусу. Пантыфік сустрэўся з імі раніцай 16 студзеня ў Прэзідэнцкім палацы ў Маніле.

«Права на свабоду слова з’яўляецца фундаментальным, як і права кожнай рэлігіі не стаць аб’ектам насмешак», — лічыць Папа Францішак. Падчас пералёту са Шры-Ланкі на Філіпіны Святы Айцец на працягу 45 хвілін адказваў на пытанні журналістаў, якія тычыліся самых розных і актуальных тэм.

15 студзеня Папа Францішак пачаў другую частку свайго візіту ў Азію, якая адбудзецца на працягу трох бліжэйшых дзён на Філіпінах.

Папа Францішак скіраваў прывітальнае пасланне ўдзельнікам сустрэчы кіраўнікоў камісій па пытаннях веравучэння пры еўрапейскіх епіскапатах з членамі Кагрэгацыі Веравучэння.