28 жніўня папа Францішак сустрэўся з моладдзю, якая прыбыла ў Рым з італьянскай дыяцэзіі Пьячэнца-Бобіа. Сустрэча паміж Святым Айцом і маладымі пілігрымамі адбылася ў ватыканскай базыліцы св. Пятра, удзел у ёй прынялі каля 500 чалавек.

27 жніўня Святы Айцец звярнуўся да вернікаў з новымі запісамі ў «Твітэры». «Езус — брама, якая вядзе да збаўлення, брама, адкрытая для ўсіх», — так гучыць адзін з запісаў Папы.

25 жніўня папа Францішак праз «Твітэр» заклікаў вернікаў не баяцца прасіць прабачэння ў Бога. «Не бойцеся прасіць прабачэння ў Бога. Ён ніколі не стамляецца прабачаць нас. Бог — гэта сама міласэрнасць», — так гучыць запіс Святога Айца.

Папа Францішак наведае езуіцкі цэнтр дапамогі бежанцам і мігрантам у Рыме «Astalli». Візіт Пантыфіка адбудзецца 10 верасня.

Пасля нядзельнай малітвы «Анёл Панскі» на плошчы св. Пятра 25 жніўня Святы Айцец Францішак у чарговы раз звярнуўся з заклікам да міру ў Сірыі. Папа адзначыў, што «з вялікім болем і нарастаючай заклапочанасцю працягвае назіраць за сітуацыяй» у гэтай краіне.

Святам Перамянення Пана, якое 19 жніўня святкавалі паводле юліанскага календара, скончыліся грэка-каталіцкія ўрачыстасці ў Кіеве, звязаныя з 1025 гадавінай хрышчэння Русі.

Папа Францішак выразіў удзячнасць арцыбіскупу Рыа-дэ-Жанэйра — Арані Жуану Тэмпеста за гарачы прыём і сведчанне веры падчас сусветнага Дня моладзі. У асабістым лісце да арцыбіскупа Святы Айцец зазначыў, што гэтая вера аказалася «нашмат мацнейшая, чым холад і дождж», якія спадарожнічалі ўдзельнікам сустрэчы.

9 жніўня папа Францішак наведаў работнікаў ватыканскіх сталярнай і слясарнай майстэрняў, цепла- і гідравузла. Як паведаміў адзін супрацоўнікаў «прамысловай зоны» Апостальскай Сталіцы Алесандро Дэ Грэгары, ён і яго калегі былі вельмі здзіўлены візітам Пантыфіка.

Святы Айцец перадаў цёплае прывітанне і запэўніў у малітоўнай блізкасці ўдзельнікаў 131-га з’езду членаў дабрачыннай арганізацыі «Рыцары Калумба» — самай буйной у свеце супольнасці свецкіх вернікаў — які ў гэтыя дні праходзіў у амерыканскім Сан-Антоніо. У сваім пасланні Папа выказаў павагу да ідэалаў веры і братэрства, увасобленых у шматлікіх справах міласэрнасці і евангельскага сведчання гэтай супольнасці.

8 жніўня быў апублікаваны Апостальскі ліст папы Францішка ў форме «motu proprio» адносна барацьбы з фінансавымі злачынствамі. Працягваючы дзейнасць Бэнэдыкта XVI у сферы барацьбы з незаконнымі аперацыямі ў фінансавай сферы, Пантыфік гэтым дакументам пацвярджае намер Святога Пасаду супрацьстаяць адмыванню грошай, фінансаванню тэрарызму і распаўсюджванню зброі масавага знішчэння.

Папа Францішак прывітаў аргенцінскіх католікаў, якія прымуць удзел у зборы ахвяраванняў на патрэбы бедных, што пройдзе 8 верасня. Арганізатарам ініцыятывы з’яўляецца мясцовы епіскапат, а яе сёлетні дэвіз — «Давяраем Тваёй дапамозе».

Як кожны месяц, на жнівень падаюцца дзве інтэнцыі малітвы Святога Айца: агульная і місійная. Першая з іх гучыць так: «Каб бацькі і выхавацелі дапамагалі новым пакаленням узрастаць, маючы правільнае сумленне і жывучы згодна з ім».

Святы Айцец звярнуўся з відэапасланнем да сваіх суайчыннікаў, сабраных у санктуарыі св. Каэтана ў Буэнас-Айрэсе. Святы Каэтан з’яўляецца апекуном Аргенціны, і ў яго санктуарыі вернікі сустракаюцца штогод 7 жніўня.

6 жніўня Святы Айцец Францішак скіраваў пасланне на Сусветны дзень місій, які сёлета будзе адзначацца 20 кастрычніка. У пасланні Папа звярнуў увагу, што моц веры вымяраецца здольнасцю перадаваць яе іншым, жыць ёй у любові, сведчыць перад тымі, каго сустракаем і хто падзяляе з намі жыццёвы шлях.