Бэнэдыкт ХVI сустрэўся з галоўным рабінам Вялікабрытаніі Джонатанам Саксам. У інтэрв’ю Ватыканскаму радыё рабін адзначыў, што падчас аўдыенцыі размова ішла пра сітуацыю ў Еўропе.

Святы Айцец Бэнэдыкт XVI паведаміў аб тым, што перад Вялікаднем наведае Мексіку і Кубу. Пра візіт у краіны Лацінскай Амерыкі Пантыфік паведаміў 12 снежня 2011 г. падчас святой Імшы, у якой маліўся за жыхароў гэтага кантынента.

Роля хрысціянства ў грамадскім жыцці, значэнне хрысціянскай спадчыны і пытанне выхавання маладога пакалення сталі галоўнымі накірункамі размовы Святога Айца Бэнэдыкта XVI і Прэзідэнта Арменіі Сержа Саркісяна. Сустрэча ў Апостальскім палацы адбылася 12 снежня 2011 г.

Пра радасць адвэнтавага чакання і звязаныя з ім патрабаванні казаў Святы Айцец Бэнэдыкт XVI падчас візіту ў рымскую парафію Маці Божай Ласкавай. Папа прывітаў дзяцей, якія сустракалі яго перад касцёлам, заклікаўшы іх да больш даверлівых адносінаў з Богам.

Святы Айцец Бэнэдыкт XVI надаў нямецкай дабрачыннай арганізацыі «Kirche im Not» («Дапамога Касцёлу ў Патрэбе») статус Папскага фонду. Цяпер у Ватыкане (хоць галоўны офіс застанецца ў Германіі) з’явіцца штаб-кватэра.

Ва ўрачыстасць Беззаганага Зачацця Найсвяцейшай Панны Марыі Святы Айцец Бэнэдыкт XVI па традыцыі здзейсніў пілігрымаванне да скульптуры Найсвяцейшай Панны Марыі, што знаходзіцца на Іспанскай плошчы ў Рыме.

Самая вялікая калядная ёлка ў італьянскім горадзе Губбіо павінна дапамагаць уздымацца да Бога, прымаць Хрыста і несці Яго святло ў сучасны свет. Аб гэтым казаў папа Бэнэдыкт XVI падчас цырымоніі адкрыцця каляднай ёлкі ў гэтым гарадку. Здзейсніў гэта Пантыфік з дапамогай планшэта iPad 7 снежня 2011 г.

9 снежня 2011 года ў сталіцы Лівана Бейруце адбудзецца прэзентацыя кнігі Святога Айца Бэнэдыкта XVI «Святло свету. Папа, Касцёл, знакі часу» на арабскай мове. Гэты пераклад стане ўжо 28-м па ліку выданнем кнігі Пантыфіка.

2 снежня 2011 года Бэнэдыкт XVI сустрэўся з удзельнікамі ІІІ Сусветнага кангрэса душпастырства міжнародных студэнтаў, арганізаванага Папскай радай пастырства эмігрантаў і падарожнікаў. Форум праходзіў на тэму «Студэнты і сустрэча культур».

На цесную сувязь тэалагічнага разважання і веры Касцёла ўказаў Святы Айцец Бэнэдыкт XVI падчас сустрэчы з членамі Міжнароднай тэалагічнай камісіі 2 снежня 2011 г. З 28 лістапада па 2 снежня камісія праводзіла пасяджэнне на тэмы метадалагічных пытанняў у сучаснай тэалогіі, разумення монатэізму і значэння грамадскага вучэння Касцёла.

1 снежня 2011 года Святы Айцец Бэнэдыкт XVI сустрэўся з удзельнікамі пленарнага пасяджэння Папскай рады па справах сям’і, прысвечанай 30-годдзю адгартацыі Яна Паўла II «Familiaris Consortio» аб задачах хрысціянскай сям’і ў сучасным свеце, і 30-годдзю Папскай рады па справах сям’і.

«Сведчанні і сведкі. Месцы мучаніцтва і вялікія вернікі» — на такую тэму разважалі 30 лістапада 2011 г. у Рыме члены XVI Адкрытага пасяджэння Папскіх акадэмій. У звароце да ўдзельнікаў Бэнэдыкт XVI адзначыў, што Евангелле перадаецца праз жывое сведчанне вернікаў. І гэта пацвярджаюць шматлікія даследаванні ў сферы археалогіі, гісторыі мастацтва і архітэктуры.

Святы Айцец Бэнэдыкт XVI звярнуўся з традыцыйным пасланнем да Патрыярха Канстанцінопальскага Барталамея з нагоды дня св. Андрэя, што з’яўляецца святам Усяленскай Патрыярхіі.

Святы Айцец Бэнэдыкт XVI моліцца за місіянераў — ахвяр разбойнага нападзення ў Бурундзіі (Цэнтральная Афрыка). 27 лістапада тут былі забіты сястра Лукрэцыя Mаміч і італьянскі валанцёр Франчэска Баццані.

28 лістапада 2011 г. Святы Айцец Бэнэдыкт ХVI прыняў на аўдыенцыі маладых удзельнікаў сустрэчы, якую арганізаваў у Ватыкане фонд «Sorella Natura» («Сястра прырода»). Фонд быў заснаваны ў 1991 г. у Асізі як асацыяцыя, мэтай якой з’яўляецца ахова экалагічнай культуры і адукацыя ў духу хрысціянскай канцэпцыі св. Францішка Асізскага.