Нягледзячы на смутак, які нясе з сабою Вялікая субота, вернікі Лідчыны радасна спяшаліся ў касцёл Узвышэння Святога Крыжа ў Лідзе. Хоць асвячэнне велікодных страваў адбывалася штогадзіну, лідская Фара не магла змясціць шматлікіх вернікаў, якія прыходзілі цэлымі сем'ямі, каб памаліцца і асвяціць стравы на велікодны стол.
26 сакавіка, у Вялікую суботу, у Мінску і навакольных парафіях Мітрапаліт Мінска-Магілёўскі арцыбіскуп Тадэвуш Кандрусевіч і дапаможны біскуп Юрый Касабуцкі сустрэліся з вернікамі, каб асвяціць стравы на велікодны стол. Іерархі і вернікі распавялі, што значыць для іх Вялікая субота.
26 сакавіка біскуп Гродзенскі Аляксандр Кашкевіч узначаліў урачыстую літургію Пасхальнай вігіліі ў катэдральным касцёле св. Францішка Ксаверыя ў Гродне.
«Брат і сястра, акуніся ў таямніцу гэтай ночы ці, лепш сказаць, у бляск святла Таго, хто перамог цемру. Зразумей, як моцна Касцёл патрабуе твайго свядомага стаўлення да факту, што ты ахрышчаны. Нават не толькі Касцёл, а ўвесь свет. Усе патрабуюць дабра», – з гэтымі словамі звярнуўся біскуп Антоні Дзям’янка ў Пасхальную вігілію ў катэдральным касцёле Пінска.
Асвячэнне велікодных страваў, удзел у пасхальных набажэнствах, супольны пасілак у коле сям’і, сустрэчы з таямніцай, ад вякоў прадказанай і заўсёды новай, — гэта толькі некаторыя элементы святкавання найвялікшай хрысціянскай урачыстасці Уваскрасення Пана. Належным чынам перажыты Вялікдзень уплывае на ўсё жыццё хрысціяніна і ператварае яго ў пастаяннае радаснае праслаўленне Бога.
На святочныя дні найвялікшага свята хрысціян — Уваскрасення Збаўцы — каталіцкія біскупы Беларусі па традыцыі падрыхтавалі свае віншавальныя відэазвароты да вернікаў.
“Узгляньце: вялікая цішыня спавіла зямлю. На зямлі вялікая цішыня і пустка. Вялікая цішыня, таму што наш Валадар спачыў у смерці…” Такімі словамі пачынаецца старажытная гамілія невядомага аўтара, якую святары чытаюць сёння ў гадзіну чытанняў у малітве Літургіі гадзінаў.
26 сакавіка падчас Пасхальнай вігіліі, якую Папа Францішак узначаліць у базыліцы св. Пятра, Пантыфік удзеліць сакрамэнт хросту дванаццаці дарослым асобам.
Увечары 25 сакавіка Папскі элемазінарый арцыбіскуп Конрад Краеўскі адначасова з Крыжовым шляхам, які праходзіў з удзелам Папы Францішка ў рымскім Калізеі, правёў незвычайны Крыжовы шлях: разам з валанцёрамі іерарх адправіўся на вуліцы Рыма, каб наведаць бяздомных.