Вялікдзень — самае вялікае свята хрысціянаў. Як кажа святы Павел: «калі Хрыстус не ўваскрос, то дарэмная наша вера». Вельмі важна, каб вернік удзельнічаў у Пасхальным Трыдууме і рэзурэкцыйнай святой Імшы (з лац.resurrectione — уваскрасенне). Кожны католік павінен прынамсі раз у год у велікодны час паспавядацца і прыняць святую Камунію.
«Езус Хрыстус, уцелаўленне Божай міласэрнасці, з любові памёр на крыжы і з любові ўваскрос. Таму сёння мы ўсклікаем: Езус ёсць Панам». Такімі словамі Папа Францішак пачаў традыцыйны пасхальны зварот перад благаслаўленнем «Urbi et Orbi», атрымаць якое на плошчы св. Пятра сабраліся 27 сакавіка сотні тысяч вернікаў.
А шостай гадзіне раніцы перазвон званоў лідскага фарнага касцёла абвясціў на ўсе ваколіцы радасную навіну аб Уваскрасенні Езуса Хрыста. Вялікая колькасць вернікаў, не зважаючы на ранні час, прыняла ўдзел у працэсіі і рэзурэкцыйнай святой Імшы.
Хрысціянскія цэрквы ў Бельгіі ў малітве на Велікодны панядзелак, 28 сакавіка, хочуць ушанаваць памяць ахвяр нядаўніх тэрарыстычных актаў. Паніхіда, якую ўзначаліць Мітрапаліт Мэхэлен і арцыбіскуп Бруселя Ёзэф Дэ Кэсэль, пачнецца ў каталіцкай катэдры сталіцы Святых Міхала і Гудула вечарам у 18.00.
Раніцай 27 сакавіка, у нядзелю Уваскрасення Пана, ва ўрачыстай працэсіі каля архікатэдральнага касцёла Імя Найсвяцейшай Панны Марыі, каб абвясціць, што Хрыстус уваскрос, прынялі ўдзел вернікі Мінска. Пасля працэсіі адбылася рэзурэкцыйная Імша, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.
У велікодную раніцу радаснае «Аллелюя» ў чарговы раз загучала на вуліцах горада Гродна. 27 сакавіка з самага ранку вернікі выйшлі на вуліцы свайго горада, каб засведчыць сваю веру і абвясціць усяму свету, што «Хрыстус уваскрос — сапраўды ўваскрос».
Пасхальная вігілія 26 сакавіка сабрала ў архікатэдральным касцёле Імя Найсвяцейшай Панны Марыі мноства вернікаў горада. Літургію ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч.
