Старшыня Папскай рады па справах сям’і арцыбіскуп Вінчэнца Палья 14-15 лістапада здзейсніць візіт у Сірыю. На гэтыя дні заплаваны сустрэчы з Патрыярхам Мелькіцка-Каталіцкай Царквы Грыгорыем III і прысутнымі ў Дамаску біскупамі, а таксама з сірыйскімі хрысціянскімі сем’ямі.
Вернікі сустракаюцца ў жыцці са спакусай абагаўлення зямных рэчаў і звычак. У той жа час адзіным вечным хараством, вартым чалавечай увагі, з’яўляецца прыгажосць Бога, падкрэсліў Папа Францішак падчас ранішняй Эўхарыстыі ў Ватыкане 12 лістапада.
Тэма канца свету ў кожны час была інтрыгуючай і заўсёды цікавіла людзей, зрэшты, такая яна і зараз. Усё ж такі глабальны лёс свету не пакідае абыякавым чалавека, які ў ім жыве.
Арцыбіскуп Клаўдыё Гуджэроцці быў прызначаны Апостальскім Нунцыем у Беларусі 15 ліпеня 2011 года і запомніўся нашай краіне многімі сваімі ўчынкамі, самыя яркія з якіх мы згадаем у гэтым артыкуле.
Прэс-служба Святога Пасаду паведаміла 13 лістапада аб прызначэнні Папам Францішкам арцыбіскупа Клаўдыё Гуджэроцці, да гэтага часу Апостальскага Нунцыя ў Рэспубліцы Беларусь, Апостальскім Нунцыем ва Украіне.
У Курапатах 7 лістапада быў устаноўлены і асвечаны новы крыж — у памяць пра рэпрэсаваных і знішчаных у савецкіх канцлагерах жыхароў Брэстчыны.
392-годдзе з дня мучаніцкай смерці св. Язафата, арцыбіскупа Полацкага – 12 лістапада – з’яўляецца парафіяльным святам для грэка-каталіцкай парафіі ў Полацку. Сёлета святкаванне адбывалася 8 лістапада.
12 лістапада разам з усім Каталіцкім Касцёлам вернікі парафіі Найсвяцейшага Сэрца Езуса і св. Язафата Кунцэвіча, біскупа і мучаніка, у Заневічах (Гродзенская дыяцэзія) дзякавалі Богу за дар св. Язафата, які з’яўляецца апекуном гэтай парафіі з часу яе заснавання ў 1917 г.
Дзве запар пятніцы 13-га перажылі мы ў 2015 годзе: у лютым і ў сакавіку. Таксама ў лістападзе 13-я лічба выпадае на пятніцу. Забабонныя людзі асцерагаюцца бяды ў гэты дзень, але Касцёл у каторы раз заклікае не верыць у забабоны. Нават калі ўзяць у прыклад 13 лютага і 13 сакавіка — мінулыя «страшныя дні» — архівы навін за гэтую дату не выдаюць ніякіх надзвычайных здарэнняў.
1 чыт. Мдр 13, 1–9; Пс 19 (18), 2–3. 4–5.Ев. Лк 17, 26-37