Святы Арханёл Міхал — апякун Касцёла ў Беларусі. Імя Міхал некалькі разоў узгадваецца ў Святым Пісанні, і азначае «Хто як Бог». У Евангеллі гаворыцца пра яшчэ аднаго Арханёла — Габрыэля, які прадказаў святару Захарыі нараджэнне сына — святога Яна Хрысціцеля, а Панне Марыі звеставаў нараджэнне Езуса Хрыста. Арханёл Рафал згадваецца ў старазапаветнай кнізе Тобія. Лічыцца, што ён ахоўвае людзей ад хваробаў і ранаў, а таксама апякуецца і спрыяе тым, хто ў дарозе.
28 верасня ў курыі Гродзенскай дыяцэзіі адбылася сустрэча катэхетаў, якія працуюць у дыяцэзіі. У сустрэчы прынялі ўдзел таксама біскуп Гродзенскі Аляксандр Кашкевіч і дапаможны біскуп Юзаф Станеўскі.
Беларускія назарэтанкі на Кангрэсе ў Чэнстахове, «каталіцкі суботнік» па ініцыятыве біскупа Аляксандра Яшэўскага SDB, асвячэнне табліц «Magnificat» і «Benedictus» на Святой Зямлі і іншыя падзеі з жыцця Касцёла ў Беларусі за мінулы тыдзень. 
27 верасня дапаможны біскуп Мінска-Магілёўскай архідыяцэзіі Аляксандр Яшэўскі SDB yзначаліў святую Імшу ў парафіі Св. Міхала Арханёла ў Гатаве. У гэты дзень парафія святкавала адпустовую ўрачыстасць, таксама там адбыўся сакрамэнт канфірмацыі.
Дэлегацыя з Беларусі, якая прымала ўдзел у VIII Сусветнай сустрэчы сем’яў у Філадэльфіі (ЗША), пабывала на сустрэчы з Папам Францішкам. У складзе беларускай дэлегацыі былі біскуп Пінскі і старшыня Рады па справах сям’і беларускага епіскапату Антоні Дзям’янка, сакратар Рады па справах сям’і а. Пётр Фраштэнга OCD, сямейная пара Андрэй Мілееў і Наталля Пан.
У выдавецтве Pro Christo пры падтрымцы Ордэну Меншых Братоў Капуцынаў у Беларусі выйшла энцыкліка «Laudato Si’» Святога Айца Францішка. 
Няма сумніву, што Папа Францішак мае значны ўплыў на свет. Адначасова няма сумніву, што вядомы брытанскі пісьменнік Гілберт Кіт Чэстэртан значна паўплываў на Папу Францішка.
28 верасня Мітрапаліт Мінска-Магілёўскі арцыбіскуп Тадэвуш Кандрусевіч
прыняў удзел ва ўрачыстасцях у гонар св. Вацлава — галоўнага апекуна
Чэхіі — y Стара Баляславе пад Прагай.
