У перыяд калядных святаў вернікі пастаўскай парафіі Св. Антонія Падуанскага і Беззаганнага Зачацця Найсвяцейшай Панны Марыі падрыхтавалі пастаноўку «Народзіны Святла». Убачыць яе змаглі і дзеці з прытулка, якія ў гэты дзень завіталі ў касцёл. Пасля дзеці паказалі інсцэніроўку ў пансіянаце для адзінокіх людзей. Цяпер маленькія артысты рыхтуюцца да выступлення ў адной з гарадскіх школ.

Для дзяцей з прытулка былі таксама падрыхтаваны падарункі і салодкі стол, каб і такім чынам дзеці адчулі Божае святло і радасць з нагоды нараджэння Збаўцы.

Рыхтавалі інсцэніроўку сёстры Ордэна Маці Божай Міласэрнасці. Удзельнічалі ў ёй каля 30 дзецяй ва ўзросце 8–12 гадоў. Сцэнка была вельмі цёпла сустрэта гледачамі, бачна было, як стараліся дзеці, якая вялікая падрыхтоўка была праведзена. Гледачы адзначылі таксама прыгожыя касцюмы герояў і дэкарацыі.

Аліна Латыш