Памятныя манеты, прысвечаныя Юбілейнаму Году Міласэрнасці, Сусветным дням моладзі ў Кракаве, Сусветнаму дню міру і Папскаму санктуарыю Святога Дома ў Ларэта, пабачаць свет 13 кастрычніка ў Ватыкане.

«Шматлікія чужынцы, сярод іх і паслядоўнікі іншых рэлігій, даюць нам прыклад каштоўнасцяў, пра якія мы часам забываемся або ігнаруем», — сказаў Папа Францішак падчас Імшы з нагоды святкавання Марыйнага Юбілею ў рамках Святога Года Міласэрнасці, якая прайшла на плошчы св. Пятра 9 кастрычніка.

Перад малітвай «Анёл Панскі» 9 кастрычніка Папа Францішак абвясціў аб скліканні кансісторыя, на якім атрымаюць кардынальскую годнасць некалькі іерархаў.

7 кастрычніка Папа Рымскі сустрэўся з удзельнікамі Генеральнага капітула Місіянераў Аблатаў Марыі Беззаганнай, які праходзіў у мінулыя дні ў Рыме і на якім праходзілі выбары Генеральнага настаяцеля супольнасці.

7 кастрычніка ў Зале Друку Святога Пасаду адбылася прэзентацыя кампакт-дыска з творам «Missa Papæ Marcelli» італьянскага кампазітара эпохі Рэнесанса Джавані П’ерлуіджы Палестрына ў выкананні хору Папскай музычнай Сікстынскай капэлы.

«Рэформу літургіі варта правесці, нават калі для гэтага прыйдзецца сціснуць зубы. Ад гэтага залежыць будучыня Касцёла», — кажа кардынал Рабэр Сара з Гвінеі, прэфект Кангрэгацыі Божага Культу і Дысцыпліны Сакрамэнтаў.

Пантыфік вырашыў, што XV Генеральная Звычайная Асамблея Сінода Біскупаў пройдзе ў кастрычніку 2018 г. і будзе прысвечана тэме «Моладзь, вера і распазнанне паклікання».

Разважаць пра сувязь паміж верай і спортам, каб палепшыць жыццё чалавека: такую мэту паставілі перад сабой арганізатары першай міжнароднай і міжрэлігійнай канферэнцыі, якая распачалася 5 кастрычніка ў Ватыкане. Трохдзённае мерапрыемства адкрыў Папа Францішак у Зале Паўла VI.

5 кастрычніка на заканчэнне экуменічных Нешпараў у касцёле св. Грыгорыя Вялікага ў Рыме Папа Францішак і Прымас англіканскай супольнасці архіепіскап Кентэрберыйскі Джасцін Уэлбі падпісалі супольную дэкларацыю.

5 кастрычніка Папа Францішак прыняў на аўдыенцыі кіраўніцтва Фонда «Vodafone Italia». Цэнтральнай тэмай сустрэчы стала абмеркаванне праекта «Неадкладныя школы для Афрыкі» — чарговай дабрачыннай ініцыятывы Фонда, якая забяспечыць афрыканскай моладзі анлайн-доступ да найбольш важных адукацыйных рэсурсаў.

Раніцай 4 кастрычніка Папа Францішак прыбыў у Аматрычэ — італьянскі горад у рэгіёне Лацыа, амаль цалкам разбураны ў выніку нядаўняга землятрусу. Пантыфіка суправаджаў біскуп Рыеці Даменіка Пампілі.

Папа Францішак накіраваў свае віншаванні галоўнаму рабіну Рыма Рыкарда Дзі Сэньі і ўсёй яўрэйскай супольнасці горада з нагоды свята Рош ха-Шана, які ў 2016 г. прыпадае на 3 і 4 кастрычніка і азнамяноўвае сабой надыход Новага года — 5777 па іўдзейскім календары.

Падчас вяртання з Баку, 2 кастрычніка, Святы Айцец Францішак даў прэс-канферэнцыю на борце самалёта. Сярод іншага, прадстаўнікоў СМІ цікавілі пытанні адносна душпастырства гомасексуалістаў і месца разведзеных асобаў у Касцёле.

Супрацоўніцтва паміж рэлігіямі дапамагае будаваць лепшыя і мірныя грамадствы, адзначыў Папа Францішак на сустрэчы з рэлігійнымі лідарамі Азербайджана. Сустрэча прайшла 2 кастрычніка ў мячэці Гейдара ў Баку.

Жыць адкрытай верай у духу служэння бліжнім заклікаў Папа Францішак каталіцкую супольнасць Азербайджана падчас святой Імшы, якую цэлебраваў 2 кастрычніка ў касцёле Беззаганнага Зачацця Найсвяцейшай Панны Марыі ў Баку.