2 кастрычніка пачаўся візіт Папы Францішка ў Азербайджан. У гэты дзень у касцёле Беззаганнага Зачацця Найсвяцейшай Панны Марыі ў Баку адбылася малітва «Анёл Панскі» з удзелам Пантыфіка.
«Кульмінацыйным момантам» сваёй пілігрымкі ў Грузію назваў Папа Францішак візіт у патрыярхальны кафедральны сабор Светыцхавелі Грузінскай Праваслаўнай Царквы ў Мцхеце, які адбыўся 1 кастрычніка.
Дабрачынныя ініцыятывы з’яўляюцца спелым плодам Касцёла, які служыць, дае надзею і выяўляе міласэрнасць Бога, падкрэсліў Папа Францішак падчас сустрэчы з супрацоўнікамі дабрачынных структур Каталіцкага Касцёла ў Грузіі і асобамі, якім яны аказваюць дапамогу.
Шчаслівыя тыя хрысціянскія супольнасці, якія жывуць евангельскай прастатой і карыстаюцца беднымі сродкамі, але з’яўляюцца багатымі Богам, сказаў Папа Францішак падчас святой Імшы 1 кастрычніка на стадыёне імя Міхаіла Месхі ў Тбілісі.
Малітвай за хрысціян Блізкага Усходу разам з супольнасцю Халдэйскай Каталіцкай Царквы Папа Францішак завяршыў першы дзень свайго падарожжа ў Грузію.
Перад абліччам свету, які прагне міласэрнасці, адзінства і міру, Божы Провід жадае, каб сувязь, якая існуе паміж Грузінскай Праваслаўнай Царквой і Каталіцкім Касцёлам, атрымала новы запал, сказаў Папа Францішак на сустрэчы з Каталікосам-Патрыярхам усяе Грузіі Ільёй ІІ.
30 верасня ў межах свайго падарожжа ў Грузію Папа Францішак здзейсніў візіт ветлівасці да Прэзідэнта краіны і сустрэўся з прадстаўнікамі дзяржаўных уладаў, грамадзянскай супольнасці і дыпламатычнага корпуса.
Ролю жанчын у Касцёле абмеркавалі па ініцыятыве Кангрэгацыі Веравучэння ў межах семінара ў Папскім універсітэце «Урбаніянум». Форум праходзіў 26–28 верасня пры ўдзеле каля пяцідзесяці тэолагаў, гісторыкаў, экспертаў кананічнага права, манахінь і свецкіх верніц з усіх кантынентаў.
Папа Францішак выказаў глыбокі смутак у сувязі з адыходам былога прэзідэнта Ізраіля Шымона Пэрэса. У тэлеграме, адрасаванай главе дзяржавы Ізраіль Рэўвэну Рыўліну, Пантыфік выказвае спачуванні ўсяму ізраільскаму народу, узгадваючы сваю сустрэчу з прэзідэнтам Пэрэсам у Ватыкане і яго «нястомныя намаганні» на карысць міру.
Святы Айцец і Апостальская Сталіца занепакоены працяглай напружанасцю на Карэйскім паўвостраве, выкліканай ядзернымі эксперыментамі, якія праводзяцца Паўночнай Карэяй, заявіў 27 верасня афіцыйны прадстаўнік Святога Пасаду Грэг Бёрк.
Папа Францішак выказаў духоўную блізкасць насельніцтву сірыйскага горада Алепа і заклікаў прыкласці ўсе сілы для абароны мірных жыхароў. З гэтым заклікам Пантыфік звярнуўся на заканчэнне агульнай аўдыенцыі ў Ватыкане 28 верасня.
«Касцёл не толькі для добрых або тых, хто здаецца добрым ці лічыць сябе такім. Касцёл для ўсіх, і перш за ўсё для грэшнікаў, таму што Касцёл — гэта міласэрнасць», — сказаў Папа Францішак падчас агульнай аўдыенцыі ў Ватыкане 28 верасня.
Прадстаўнік Апостальскай Сталіцы пры ААН заклікаў да выхаду з тупіка, у які зайшоў механізм раззбраення пры Арганізацыі Аб’яднаных Нацый.
Рэформы будуць датычыць найперш школы рэкруцтва, якая будзе рэструктурызавана. Як тлумачыцца ў паведамленні Апостальскай Сталіцы, рэформа накіравана на ўдасканальванне прафесіяналізму традыцыйнай папскай гвардыі.
Выклік садзейнічання міру ва ўсім свеце і крызіс бежанцаў — некаторыя з пытанняў, якія былі ўзняты падчас сустрэчы Папы Францішка з кіраўніцтвам Сусветнага яўрэйскага кангрэса. Яна адбылася 26 верасня ў папскай рэзідэнцыі ў Доме св. Марты.