«Тое, што ў Вялікі чацвер было падаравана нам у цішыні Апошняй Вячэры, мы цяпер адкрыта дэманструем свету. Гэта Хрыстус уваскрослы, які знаходзіцца сярод нас і вядзе ў Божае Валадарства», — адзначыў Бэнэдыкт XVI падчас святой Імшы ва ўрачыстасць Найсвяцейшага Цела і Крыві Хрыста.

28 чэрвеня 2011 г. Святы Айцец сустрэнецца з дэлегацыяй Канстанцінопальскага Патрыярхату. Ва ўрачыстасць свв. апосталаў Пятра і Паўла члены дэлегацыі прымуць удзел у літургіі.

Шэсцьдзясят залатых рыбак атрымае ў падарунак Бэнэдыкт XVI да 60-годдзя святарства. Падарунак «вялікаму рыбаку сучаснасці» і рыбаку людзей уручаць дзеці з каталіцкай арганізацыі «Piccoli Orionini».

11 верасня 2011 г. Святы Айцец Бэнэдыкт XVI наведае Анкону (Італія) з нагоды XXV Нацыянальнага эўхарыстычнага кангрэса. Гэта будзе ўжо 24-e пастырскае падарожжа.

17 чэрвеня 2011 г. папа Бэнэдыкт ХVI прыняў на аўдыенцыі біскупаў з Індыі, якія знаходзяцца ў Ватыкане з візітам «Ad limina apostolorum». Пантыфік заахвоціў іерархаў да сведчання любові і служэння, незалежна ад этнічнай ці каставай прыналежнасці.

Сёлета па традыцыі ў летняй рэзідэнцыі ў Кастэль Гандольфа (прыгарад Рыма) Бэнэдыкт XVI сустрэнецца са сваімі былымі студэнтамі-дактарантамі. Семінар будзе праходзіць з 26 па 28 жніўня 2011 г., на заканчэнне якога Пантыфік узначаліць цэлебрацыю святой Імшы.

У Ватыкане названы імёны першых лаўрэатаў «Ватыканскага фонду імя Ёзафа Ратцынгера — папы Бэнэдыкта XVI», створанага ў лістападзе мінулага года. 30 чэрвеня 2011 г. лаўрэаты атрымаюць дыпломы і прэміі ў 50 тыс. еўра з рук Бэнэдыкта ХVI.

У суботу 11 чэрвеня 2011 г. Святы Айцец прыняў на агульнай аўдыенцыі каля 1400 цыган-пілігрымаў, якія прадстаўлялі розныя этнічныя групы гэтага народа. Нагодай стала 150-годдзе з дня нараджэння мучаніка цыганскага паходжання бл. Зефірына Гімэнеса Маллы.

Ва ўрачыстасць Спаслання Духа Святога, якой завяршыўся Велікодны перыяд, Святы Айцец Бэнэдыкт XVI узначаліў літургію ў базыліцы св. Пятра ў Ватыкане. Гамілію Папа прысвяціў таямніцы Святога Духа і Касцёла.

Святы Айцец Бэнэдыкт XVI прыняў 9 чэрвеня 2011 г. даверчыя граматы новых паслоў пры Апостальскай Сталіцы, якія прадстаўляюць Малдавію, Гвінею, Белізу, Сірыю, Гану і Новую Зеландыю.

8 чэрвеня 2011 г. Святы Айцец Бэнэдыкт XVI сустрэўся з выканаўчым дырэктарам Упраўлення ААН па справах наркотыкаў і злачыннасці Юрыем Фядотавым.

Каля паўтары тысячы еўрапейскіх цыган прыме на аўдыенцыі Святы Айцец Бэнэдыкт XVI у суботу 11 чэрвеня 2011 г. Пілігрымка цыган у Рым прымеркавана да 150-годдзя з дня нараджэння бл. Зефірына Гімэнеса Маллы, мучаніка цыганскага паходжання, а арганізуе яе Папская рада пастырства эмігрантаў і падарожнікаў.

Да 45-га Сусветнага дня сацыяльных камунікацый, які адзначаўся 5 чэрвеня 2011 г., Святы Айцец Бэнэдыкт XVI скіраваў пасланне пад назвай «Ісціна, абвяшчэнне і сапраўнасць жыцця ў лічбавую эпоху».

Сітуацыя ў арабскіх краінах і на Блізкім Усходзе — вось галоўныя тэмы, закранутыя падчас сустрэчы Святога Айца Бэнэдыкта XVI і Прэзідэнта Палестынскай аўтаноміі Махмуда Аббаса. Сустрэча адбылася 3 чэрвеня 2011 г. у Ватыкане.

1 чэрвеня 2011 г. Святы Айцец Бэнэдыкт XVI прыняў на аўдыенцыі генерал-губернатара Аўстралійскага саюза Квэнцін Брайс. Пасля чаго прадстаўнік Аўстраліі сустрэлася з Дзяржсакратаром папы Бэнэдыкта XVI кардыналам Тарчызіо Бэртонэ і сакратаром па адносінах з дзяржавамі Дзяржаўнага Сакратарыяту Апостальскай Сталіцы арцыбіскупам Дамінікам Мамбэрці.