1 ліпеня 2011 г. афіцыйнае выданне Апостальскай Сталіцы «L’Osservatore Romano» адзначыла 150 гадоў са дня выхаду першага нумара. Віншаванне да рэдакцыі газеты скіраваў Святы Айцец Бэнэдыкт XVI, а 5 ліпеня наведаў рэдакцыю.

17 верасня 2011 г., напярэдадні пастырскага візіту ў Германію, Святы Айцец Бэнэдыкт XVI правядзе праграму «Слова на нядзелю» на першым канале нямецкага тэлебачання. У ёй Пантыфік падзеліцца разважаннямі да нядзельнай літургіі слова.

4 ліпеня 2011 г. Святы Айцец Бэнэдыкт XVI адкрыў мастацкую выставу «Светач праўды, прыгажосці і любові», прымеркаваную да 60-годдзя яго святарскага пасвячэння.

Працягваюцца святкаванні 150-годдзя газеты «L’Osservatore Romano». З гэтай нагоды 1 ліпеня 2011 г. Дзяржаўны сакратар Яго Святасці Папы Бэнэдыкта XVI кардынал Тарчызіо Бэртонэ цэлебраваў святую Імшу для працаўнікоў рэдакцыі газеты.

Агульная аўдыенцыя Святога Айца Бэнэдыкта XVI для вернікаў, прысутных на плошчы Св. Пятра ў Рыме, адбылася 3 ліпеня 2011 г. У прамове Папа адзначыў, што і сёння Езус дапамагае кожнаму «знайсці сэнс жыцця і мэту існавання».

30 чэрвеня 2011 г. Святы Айцец Бэнэдыкт XVI уручыў узнагароды тром першым лаўрэатам прэміі фонду імя Ёзафа Ратцынгера. Імі аказаліся тэолагі з Італіі (Манліо Сіманэцці, прафесар старажытнай хрысціянскай літаратуры), Іспаніі (прафесар дагматычнай тэалогіі кс. Алегарыё Ганзалез дэ Кардэдаль) і Германіі (эклезіёлаг кс. Максіміліян Гейм).

30 чэрвеня 2011 г. Святы Айцец Бэнэдыкт XVI прыняў арцыбіскупаў Мітрапалітаў, якім напярэдадні ўручыў паліі. Іерархаў суправаджалі супрацоўнікі, блізкія і родныя.

На асаблівую ролю Касцёла Рыма для каталіцкай супольнасці звярнуў увагу Святы Айцец Бэнэдыкт XVI у разважанні перад малітвай «Анёл Панскі» 29 ліпеня 2011 г., ва ўрачыстасць свв. апосталаў Пятра і Паўла. Папа падкрэсліў, што першынство Пятра вынікае з Божага рашэння і ўпадабання, падобна як гэта адбываецца і ў выпадку паклікання да святарства.

Цудоўны летні дзень 29 чэрвеня 1951 г., калі кардынал Мюнхена Міхэль вон Фаўхабэр у катэдры ў Фрайзінгу ўсклаў рукі на 24-гадовага дыякана Ёзафа Ратцынгера, яго брата і іншых 42-х новых святароў па словах Бэнэдыкта XVI з’яўляецца наважнейшым днём у яго жыцці. Пра гэта піша ватыканская газета «L’Osservatore Romano».

На значэнне святарства як сяброўскай сувязі з Хрыстом і вопыт Божай любові, які натхняе абвяшчаць Евангелле па ўсім свеце, звярнуў увагу Святы Айцец Бэнэдыкт XVI падчас святой Імшы 29 чэрвеня 2011 г, ва ўрачыстасць свв. Пятра і Паўла.

28 чэрвеня 2011 г. Бэнэдыкт XVI сустрэўся з членамі дэлегацыі Канстанцінопальскага Патрыярхату, якія прыбылі ў Рым з нагоды ўрачыстасці св. апосталаў Пятра і Паўла. 29 чэрвеня члены дэлегацыі прымуць удзел у літургіі.

Святы Айцец Бэнэдыкт XVI прыняў на прыватнай аўдыенцыі прэфекта Кангрэгацыі па справах кананізацыі кардынала Анджэла Амато і зацвердзіў 15 дэкрэтаў, якія датычаць 27 Слугаў Божых.

Ва ўрачыстасць св. Пятра і св. Паўла, апосталаў, Святы Айцец Бэнэдыкт XVI уручыць паліі сарака арцыбіскупам Мітрапалітам, якім быў нададзены гэты тытул ў мінулым годзе. Палій арцыбіскупаў сімвалізуе паслухмянасць Папе і іх асаблівую блізкасць да Святога Пасаду.

Ватыкан і Чарнагорыя падпісалі базавае пагадненне. 24 чэрвеня 2011 г. дакумент падпісалі кардынал Тарчызіо Бэртонэ, Дзяржаўны сакратар Яго Святасці папы Бэнэдыкта ХVI, і Ігор Лукшыч, прэм’ер-мініст Чарнагорыі.

«Тое, што ў Вялікі чацвер было падаравана нам у цішыні Апошняй Вячэры, мы цяпер адкрыта дэманструем свету. Гэта Хрыстус уваскрослы, які знаходзіцца сярод нас і вядзе ў Божае Валадарства», — адзначыў Бэнэдыкт XVI падчас святой Імшы ва ўрачыстасць Найсвяцейшага Цела і Крыві Хрыста.