8 ліпеня падчас сустрэчы з прэфектам Кангрэгацыі па справах Кананізацыі кардыналам Анджэло Амато Папа Францішак зацвердзіў сем дэкрэтаў, якія датычацца прызнання гераічнасці цнотаў кандыдатаў да беатыфікацыі.

“Я пакорліва прашу прабачэння”, - сказаў Папа Францішак асобам, якія ў дзяцінстве сталі ахвярамі сексуальнага злоўжывання духавенства. 7 ліпеня 2014 г. яны прынялі ўдзел у ранішняй Імшы, якую Пантыфік цэлебраваў у капліцы Дома св. Марты.

Папа Францішак асудзіў “логіку абыякавасці” ў адносінах да мігрантаў у пасланні з нагоды першай гадавіны свайго візіту на італьянскі востраў Лампедуза. Па словах Пантыфіка, драма гэтых людзей паглыбляецца, яны працягваюць паміраць, ратуючыся ад галечы, войнаў і канфліктаў.

“Культура часовасці не бярэ пад увагу нашай свабоды, але пазбаўляе нас нашага сапраўднага прызначэння, нашых мэтаў, самых сапраўдных і аўтэнтычных. Гэта жыццё фрагментаванае”, - звярнуў увагу Святы Айцец падчас сустрэчы з моладдзю ў Кастэльпетроза. 5 ліпеня праходзіў візіт Папы Францішка ў італьянскі рэгіён Малізэ.

5 ліпеня ў межах візіту ў італьянскі рэгіён Малізэ Папа Францішак узначаліў Эўхарыстыю на стадыёне ў Кампабаса. “Заклікаю ўсіх вас, святары, кансэкраваныя асобы і свецкія вернікі, трываць на сваёй дарозе, застаючыся на служэнні Богу, служачы сваім братам і распаўсюджваючы культуру салідарнасці ва ўсім свеце”, - сказаў Пантыфік падчас Імшы.

У запаведзях благаславенстваў вы можаце знайсці «новую, няўзмутненую і насычаную» праграму жыцця, - падкрэсліў Папа Францішак, звяртаючыся да ўдзельнікаў Фестывалю галандскай каталіцкай моладзі, які прайшоў у гэтыя дні ў абацтве Марыенкрон ў Ніёкёйцы. Святы Айцец накіраваў асаблівае пасланне з нагоды моладзевага свята, заклікаючы юнакоў і дзяўчат «думаць грандыёзна», прытрымліваючыся прыкладу благаслаўлёнага П'ерджорджо Фрасаці, які не абмяжоўваўся «марненнем».

Буйная падзея чакае 5 ліпеня італьянскі рэгіён Малізэ, які лічыцца перыферыяй краіны. Сюды прыбудзе Папа Францішак. Як і яго візіты на востраў бежанцаў Лампедузу, у эканамічна слабой Сардзініі, або ў апору арганізаванай злачыннасці Калабрыю, гэта падарожжа нараджае вялікія надзеі.

«Ці баімся мы? Чаго мы баімся? І калі баімся, куды хаваемся ў нашым душпастырскім жыцці ў пошуках бяспекі? Можа шукаем падтрымкі тых, хто мае ўладу ў гэтым свеце? Ці паддаёмся памылцы ганарыстасці, імкнучыся да ўзнагарод і прызнання, і нам здаецца, што там мы ў бяспецы? У чым мы шукаем нашай бяспекі?», — такія пытанні паставіў 29 чэрвеня 2014 г., ва ўрачыстасць святых Пятра і Паўла, Папа Францішак перад арцыбіскупамі мітрапалітамі.

Паводле слоў Святога Айца, у любові Стварыцеля да сваіх стварэнняў няма ані граму пасіўнасці: Ён не чакае – а дае, не кажа – а робіць. На думку Пантыфіка, існуюць дзве рысы любові. Першая заключаецца ў тым, каб больш даваць, чым браць. Другая: больш любові ў справах, чым у словах. Любоў заўсёды перадаецца і атрымліваецца ад тых, хто нас любіць, яна заўсёды ажыўляе і дазваляе расці, падкрэсліў Святы Айцец.

29 чэрвеня 2014 г. Папа Францішак урычыць паліі 24 новым арцыбіскупам Мітрапалітам. Яшчэ 3 іерархі атрымаюць гэты элемент літургічнага адзення пазней. Палій арцыбіскупаў сімвалізуе паслухмянасць Папу і іх асаблівую блізкасць да Святога Пасаду. Ён уяўляе сабой вузкую стужку з белай авечай воўны з вышытымі чорнымі крыжамі, на канцах — з абшытымі чорным шоўкам кавалачкамі свінца. Пантыфік ўручае паліі прызначаным за мінулы год арцыбіскупам Мітрапалітам традыцыйна ва ўрачыстасць святых Пятра і Паўла, якая адзначаецца 29 чэрвеня.

Папа Францішак адмовіўся сустрэцца з нелегальнымі мігрантамі, якія шукалі ўкрыцця ў рымскай базыліцы Св. Марыі Маджорэ, бо ён на жадае быць уцягнутым у дзяржаўную палітыку Італіі, паведаміла выданне The Tablet.

Тры пакліканні аднаго чалавека: падрыхтаваць прыйсце Бога, распазнаць Яго і дазволіць Яму расці, за кошт ўласнага прыніжэння. Таксама і кожны хрысціянін павінен абвяшчаць і рыхтаваць дарогу не сабе, але Пану. Павінен умець адрозніваць праўду ад таго, што ёй не з’яўляецца. Павінен быць здольным прынізіцца, каб Пан рос ў сэрцах і душах іншых, заклікаў Папа Францішак.

Хто асуджае бліжняга — памыляецца, і ў выніку сам будзе асуджаны такім жа чынам, адзначыў Папа Францішак падчас ранішняй Эўхарыстыі ў Доме св. Марты 23 чэрвеня.