«Радасць — гэта своеасаблівы знак хрысціяніна», — сказаў Святы Айцец і дадаў, што быць вернікам без радасці немагчыма. Калі хрысціянін мае аблічча падобнае на «перац у воцаце», значыць, ён «захварэў»; ён мае праблемы ў душы, праблемы з «хрысціянскім здароўем».

Папа Францішак прыме ўдзел у вялікім спартыўным свяце, якое 7 чэрвеня 2014 г. пройдзе на плошчы св. Пятра і блізкіх да яе вуліцах. Мерапрыемства арганізавана Канферэнцыяй Біскупаў Італіі з нагоды 70-годдзя Італьянскага спартыўнага цэнтра — грамадскай арганізацыі, дзейнасць якой грунтуецца на хрысціянскіх каштоўнасцях і заключаецца ў спрыянні выхаванню праз спорт.

Папа Францішак выступіць на міжнароднай канферэнцыі па праблемах харчавання. Як заявілі ў Харчовай і сельскагаспадарчай арганізацыі ААН, Святы Пасад пацвердзіў удзел Пантыфіка ў форуме.

Хто адкрывае сэрца на дзейнасць Святога Духа, будзе мець трывалы і бясконцы спакой, у адрозненне ад тых, хто вырашыў даверыцца спакою, прапанаванаму грашыма або ўладай, падкрэсліў 20 мая Папа Францішак падчас гаміліі на ранішняй св. Імшы.

Папа Францішак заснаваў пры Кангрэгацыі Веравучэння спецыяльную камісію, якая будзе вывучаць апеляцыі духавенства ў пытаннях самых сур’ёзных злачынстваў (так зв. delicta graviora). Да іх належаць, сярод іншых, абвінавачанні ў сексуальных злоўжываннях у дачыненні да непаўналетніх.

Сэрца хрысціяніна павінны быць замацавана ў Святым Духу, а не кідацца з аднаго месца ў іншае, сказаў 19 мая Папа Францішак падчас ранішняй св. Імшы у капліцы сваёй рэзідэнцыі.

Святы Айцец адкрые 19 мая ўвечары ў ватыканскай Сінадальнай зале паседжанне Канферэнцыі Біскупаў Італіі. Працы 66-й Генеральнай асамблеі працягнуцца да чацвярга 22 мая.

Святы Айцец адмовіўся ад узмоцненых мер па сваёй ахове падчас маючай адбыцца пілігрымкі ў Святую Зямлю. Падчас падарожжа не будзе выкарыстоўвацца куленепрабівальны аўтамабіль. Таксама з гэтага часу ў кожным з папскіх падарожжаў будзе прымаць удзел адзін з “простых” ватыканскіх супрацоўнікаў.

16 жніўня ў цэнтры Сеула Папа Францішак беатыфікуе 124 карэйскіх мучанікаў. У Імшы змогуць прыняць удзел мільён чалавек. Пяцідзённае падарожжа Папы ў Паўднёвую Карэю адбудзецца 14-18 жніўня, яго асноўная мэта заключаецца ва ўдзеле Пантыфіка ў Азіяцкім дні моладзі.

Ідэя здзяйснення Папам Францішкам пілігрымкі ў Святую Зямлю заключаецца ў тым, каб узгадаць пра “незвычайнае падарожжа” Паўла VI на радзіму Езуса, якое адбылося 50 гадоў таму, у студзені 1964 г., адзначыў кіраўнік Прэс-службы Апостальскай Сталіцы а. Фэдэрыко Ламбардзі.

11 мая Папа Францішак yдзяліў у ватыканскай базыліцы св. Пятра прэзбітэрскае пасвячэнне 13 навучэнцам рымскіх семінарый, 6 з якіх паходзяць з Італіі, 7 - з Пакістана, В’етнама, Паўднёвай Карэі, Эквадора, Венесуэлы, Чылі і Бразіліі. У гэты дзень у Каталіцкім Касцёле адзначаўся Сусветны дзень малітваў аб пакліканнях.

9 мая Папа Францішак сустрэўся з вядучымі службовымі асобамі ўстаноў, фондаў і праграм Арганізацыі Аб’яднаных Нацый, якія праводзяць у гэтыя дні ў Рыме сваю нараду. Пантыфік падзякаваў сабраным за “намаганні дзеля забеспячэння міру ва ўсім свеце, павагі чалавечай годнасці, абароны самых бедных і найбольш уразлівых слаёў насельніцтва, гарманічнага эканамічнага і сацыяльнага развіцця”, дадаўшы, што многае яшчэ “павінна быць дасягнута”.

8 мая Папа Францішак прыняў на аўдыенцыі Вярхоўнага Патрыярха і Каталікоса ўсіх армян Гарэгіна ІІ, які знаходзіцца з візітам у Рыме. Пасля прыватнай сустрэчы Святы Айцец звярнуўся да іерарха з прамовай, у якой адзначыў, што адносіны паміж Армянскай Апостальскай Царквой і Каталіцкім Касцёлам умацаваліся асабліва на працягу апошніх дзесяцігоддзяў.