27 лістапада ў межах візіту ў Вялікабрытанію Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу для дзяцей каталіцкай школы Бірмінгема ў касцёле Найсвяцейшай Панны Марыі.
«Беларускія студэнты, не чакаючы адкрыцця Тэалагічнай акадэміі імя св. Яна Паўла ІІ у Мінску, змогуць распачаць дыстанцыйнае навучанне ў Тэалагічным інстытуце Бірмінгема», — пра гэта карэспандэнту Catholic.by паведаміў арцыбіскуп Тадэвуш Кандрусевіч, які знаходзіцца з візітам у Вялікабрытаніі.
«Калі ўбачыце, што гэта адбываецца, ведайце, што наблізілася Валадарства Божае»
27 лістапада ў мінскім архікатэдральным касцёле Імя Найсвяцейшай Панны Марыі адбылося адкрыццё Года кансэкраванага жыцця ў Беларусі. Святую Імшу з гэтай нагоды ўзначаліў Апостальскі Нунцый у Беларусі арцыбіскуп Клаўдыё Гуджэроцці.
25 гадоў таму Папа Ян Павел II прыняў у сябе Міхаіла Гарбачова, які стаў першым савецкім лідарам, што прыбыў з афіцыйным візітам у Ватыкан.
26 лістапада падчас візіту ў Вялікабрытанію Мітрапаліт Мінска-Магілёўскі арцыбіскуп Тадэвуш Кандрусевіч наведаў Тэалагічны інстытут у Бірмінгеме.
Беларускі іерарх у якасці старшыні Рады па СМІ пры ККББ быў запрошаны для абмену вопытам у офіс камунікацый пры сядзібе Канферэнцыі Біскупаў Англіі і Уэльса (КБАУ) у Лондане. Сустрэча прайшла 26 лістапада ў межах візіту арцыбіскупа Тадэвуша Кандрусевіча ў Вялікабрытанію.
Па ініцыятыве Апостальскай Сталіцы з 2015 г. ва ўсіх каталіцкіх дыяцэзіях і парафіях свету будзе адзначацца Міжнародны дзень малітвы і разважання супраць гандлю людзьмі. Датай яго святкавання было выбрана 8 лютага, бо ў гэты дзень Каталіцкі Касцёл адзначае літургічны ўспамін св. Жазэфіны Бакіты — суданскай жанчыны, якая прайшла шлях ад рабыні да законніцы, пазнаўшы шмат духоўных і цялесных пакут і прыніжэння.
Сёння мы распачынаем перыяд Адвэнту, які з’яўляецца часам чакання і падрыхтоўкі да прыйсця Хрыста. Праз некалькі тыдняў мы будзем урачыста адзначаць памяць Яго першага прыйсця на зямлю, а нашы сэрцы і думкі будуць напоўнены чаканнем Яго паўторнага прыйсця ў хвале.