святая Імша ў будні: пн,ср, пт і першая субота месяца — 18.00 (ад 13 мая да 13 кастрычніка ў 19.00); аўт, чц, сб у 08.00.
Адпусты: Маці Божай Фацімскай — 13 мая, Св. Язафата Кунцэвіча — 12 лістапада аЗ гісторыі парафіі
Парафія св. Язафата Кунцэвіча ў Шуміліне новая. Яна была зарэгістравана дзяржаўнымі ўладамі 28 мая 1999 г. З утварэннем 12 кастрычніка 1999 г. новай Віцебскай дыяцэзіі, зацверджанай дзяржаўнымі ўладамі 28 снежня 1999 г., шумілінская парафія дзейнічае на тэрыторыі гэтай дыяцэзіі.
Душпастырамі парафіі спачатку былі айцы капуцыны, потым, праз некаторы час, – кс. Адам Дынак, а пасля ксяндзы аблаты: а. Крыштаф Барадзей OMI (у 2001–2003 гг. пробашч), вікарыі а. Гжэгаж Вавжыняк OMI і а. Ежы Катоўскі OMI, а таксама а. Пётр Бялевіч OMI і інш.
Бэнэдыкт XVI рашуча асудзіў забойства двух маладых салдатаў і паліцэйскага ў Паўночнай Ірландыі. Падчас агульнай аўдыенцыі ў сераду 11 сакавіка 2009 г. Святы Айцец запэўніў у сваёй блізкасці з сем’ямі ахвяраў і тых, хто атрымаў раненні. Гэтыя злачынствы Пантыфік назваў жахлівымі актамі тэрарызму.
Постаць св. Баніфацыя — біскупа і мучаніка, «апостала Германіі», — была тэмаю катэхезы Святога Айца Бэнэдыкта XVI падчас агульнай аўдыенцыі 11 сакавіка 2009 г. у Ватыкане. Папа заклікаў вернікаў да аднаўлення веры праз паглыбленне сувязі са Святым Пісаннем і адзінства з наступнікам Пятра, каб Касцёл быў у стане перадаць сучаснаму свету каштоўнасць Евангелля.
11 сакавіка 2009 г. у агульнай аўдыенцыі на плошчы Святога Пятра прыняў удзел 58-гадовы мужчына, паралізаваны ўжо на працягу 10 гадоў. Ён перадаў Бэнэдыкту XVI ліст, у якім напісаў аб сваёй любові да жыцця.
10 сакавіка 2009 г. у Апостальскай Сталіцы распачалося Пленарнае пасяджэнне Кангрэгацыі Божага Культу і Дысцыпліны Сакрамэнтаў. Пасяджэнне ўзначаліў новы старшыня ватыканскага ведамства кардынал Антоніа Канісарэс Льёвэра, Прымас Іспаніі.
Пытанне адпустаў, якія вызначае Святы Айцец на юбілейныя гады, надалей выклікае непаразуменні на шляху экуменічных адносінаў. Аднак Год святога Паўла, які яшчэ працягваецца і падчас якога таксама можна атрымаць адпусты, з’яўляецца нагодай для таго, каб высветліць падобныя непаразуменні.
З 8 па 15 мая адбудзецца візіт Бэнэдыкта XVI у Святую Зямлю. Гэтыя даты Святы Айцец пацвердзіў асабіста падчас нядзельнай малітвы «Анёл Панскі» 8 сакавіка 2009 г. Вітаючы вернікаў, Бэнэдыкт XVI папрасіў іх аб малітве ў інтэнцыі замежных папскіх пілігрымак. 
Ватыкан не рэкамендуе Інтэрнэт-карпарацыі па справах прысвойвання назваў і нумароў (ICANN) ствараць катэгорыі Інтэрнэт-даменаў рэлігійнага характару як, напрыклад, «.catholic», «.buddhist» або «.islam».
8 сакавіка натхняе да разважання над сітуацыяй жанчын у сучасным свеце. Неабходна прыкладаць намаганні, каб кожная жанчына магла жыць паўнатою ўласных талентаў і каб яе годнасць шанавалася. Святы Айцец Бэнэдыкт XVI нагадаў, што да гэтага заклікае таксама ІІ Ватыканскі Сабор і Апостальскае пасланне Яна Паўла ІІ Mulieris dignitatem («Пра годнасць жанчыны»).
Незвычайнаю дапамогаю для хрысціяніна з’яўляецца погляд на ўласнае жыццё ў святле Божай любові. 8 сакавіка 2009 г. падчас малітвы «Анёл Панскі» Святы Айцец Бэнэдыкт XVI заахвоціў кожнага хрысціяніна менавіта ў такой перспектыве перажываць час Вялікага посту.
