 | Фота А. Дыбоўскага
|
Адрас:
вул. Вакзальная 2а
Гарадок
Віцебская вобл.,
Рэспубліка Беларусь
211573
Тэл.: (8-02139) 42240пппРасклад набажэнстваў (магчымы змены) (інфармацыя на 09.10.16)
- Святая Імша ў нядзелю: 10.00 (18.30 – Езярышча)
- Святая Імша ў аўторак і пятніцу: 18.00
Адпусты: Адведзінаў Найсвяцейшай Панны Марыі – 31 мая
рЗ гісторыі парафіі
Гарадок знаходзіцца на галоўнай дарожнай і чыгуначнай лініі да Санкт-Пецярбурга, амаль на мяжы з Расійскай Федэрацыяй.
Гісторыя парафіі Гарадок, паводле дадзеных, узятых з некалькіх крыніцаў, калісьці запісаных былым душпастырам па рубрыках, пачынаючы з 1886 г., уяўляла сабой наступнае: «У мясцовасці Рэмні, якая знаходзіцца за 30 км на паўночны ўсход ад Гарадка, была капліца пад тытулам святых Апосталаў Пятра і Паўла, якая належала да парафіі Веліж. Цяпер там знаходзіцца старажытны касцёл ХІХ ст. на падмурку будынка XVIII ст. Руіна прыдатная для адбудовы, бо сцены трывалыя і дах амаль цэлы. Зруйнавана закрыстыя, не хапае вокнаў і дзвярэй, часткі падлогі, – так пісаў былы душпастыр. – Тут калісьці жылі літоўскія асаднікі» (гл. Энцыклапедыя гісторыі Беларусі, т. ІІ, с. 490). Пад рубрыкай 1893 г. знаходзім: «У Гарадку была капліца на могілках пад тытулам Адведзінаў Найсвяцейшай Панны Марыі, якая належала да парафіі св. Барбары ў Віцебску». У кнізе «Нашы касцёлы» чытаем: «Парафія св. Барбары ў Віцебску мае тры капліцы: на могілках, у Доўжыне і ў Гарадку. Пры апошняй пражывае некалькі шляхецкіх сем’яў і трохі сялян, але вельмі раскіданых па тэрыторыі». У «Геаграфічным слоўніку Каралеўства Польскага» (Варшава, 1886 г., т. ІІІ, с. 133) знаходзім звесткі, што «каталіцкага касцёла ў Гарадку не было, хоць да 1864 г. быў араторыум у доме мясцовага жыхара Уланоўскага, і католікаў на той час было 210 чалавек». У «Геральдыцы беларускіх местаў» Анатоль Цітоў сцвярджае, што ў 1906 г. у Гарадку былі дзве каталіцкія капліцы, у якія прыязджаў кс. Ігнацый Рудзіс, пробашч парафіі св. Барбары, дзве царквы (драўляная і мураваная) і 10 габрэйскіх дамоў малітвы.
У 1922–1926 гг. пробашчам капліцы пад тытулам Адведзінаў Найсвяцейшай Панны Марыі у Гарадку быў кс. Міхал Ружыцкі, 1864 г. нар. Парафія ў Гарадку была зарэгістравана 21 чэрвеня 2001 г. У раёне пражывае каля 30 тыс. чалавек.
Парафіяльная капліца, пабудаваная намаганнямі кс. Адама Дынака. |
Адрас:
«Сапраўдны хрысціянін ніколі не сумуе, нават калі павінен супрацьстаяць розным праблемам. Прысутнасць Хрыста — вось сакрэт радасці і супакою», — такімі словамі Бэнэдыкт XVI звяртаецца да маладых людзей у Пасланні на 24-ы Сусветны дзень моладзі.
9 сакавіка 2009 г. у Ватыкане распачнецца семінар на тэму «Новыя перспектывы касцёльнай камунікацыі. Змены тэхналогіі і культуры мас-медыя: тэалагічна-душпастырскае разважанне». У семінары, арганізаваным Папскай радай па сродках масавай камунікацыі, прымуць удзел біскупы з усяго свету. Каталіцкі Касцёл у Беларусі будзе прадстаўляць Мітрапаліт Мінска-Магілёўскі арцыбіскуп Тадэвуш Кандрусевіч. 
«Першы том збору працаў Ёзафа Ратцынгера будзе прысвечаны літургіі», — пра гэта заявіў папскі цырымоніймайстар. На думку прэлата Гвідо Марыні, такі выбар невыпадковы. Сам Бэнэдыкт XVI звяртае на гэта ўвагу ў сваёй прадмове, жадаючы падкрэсліць, што ў літургіі аб’яўляецца таямніца Касцёла, і з яе Касцёл чэрпае сілы для свайго аднаўлення.
У абліччы глабальнага эканамічнага крызісу неабходна нанава адкрыць этычныя прынцыпы эканомікі і «вялікую грамадскую салідарнасць», — лічыць рэктар Папскага Латэранскага універсітэта арцыбіскуп Рыно Фізікелла. 
«Бэнэдыкт XVI — „адпаведны“ Папа на перыяд крызісу», — піша ў сённяшнім нумары «L'Osservatore Romano» намеснік галоўнага рэдактара газеты Карло дзі Чыкко. Аўтар таксама зазначае, што ў абнародаваным 4 сакавіка 2009 г. Пасланні Святога Айца на сёлетні Сусветны дзень моладзі можна будзе пазнаёміцца з асноўнымі тэзісамі новай сацыяльнай энцыклікі Бэнэдыкта XVI.
Існуе нямала людзей, якія цудоўна адрозніваюць дабро і зло ў сваім жыцці, але пры гэтым лічаць зло неабходным элементам дасягнення поспеху. Нават веруючыя людзі часам мяркуюць, што пазбавіўшыся нейкага «салодкага» або «неабходнага» граху, ім давядзецца распачаць жыццё «слабака» і няўдачніка.
3–7 сакавіка 2009 г. у Апостальскай Сталіцы вучоныя з розных краінаў свету будуць разважаць на тэму адносінаў паміж верай і тэорыяй эвалюцыі. Тэма сустрэчы — «Біялагічная эвалюцыя: факты і тэорыя. Крытычная ацэнка 150 гадоў пасля публікацыі працы Ч. Дарвіна „Пра ўзнікненне відаў“».
