Сёлета Касцёл ужо ў 15-ы раз адзначае свята Божай Міласэрнасці. Яно святкуецца ў першую нядзелю пасля Вялікадня, якая называецца Нядзеляй Божай Міласэрнасці. У дзень кананізацыі с. Фаўстыны Кавальскай, 30 красавіка 2000 г., Папа Ян Павел ІІ абвясціў гэтае свята для ўсяго Паўсюднага Касцёла.

Міласэрнасць – “краевугольны камень, які падтрымлівае жыццё Касцёла”. Гэта лейтматыў булы “Misericordiae Vultus” Папы Францішка, якая абвяшчае Год Божай Міласэрнасці. Дакумент быў апублікаваны 11 красавіка з нагоды Першых Нешпараў Нядзелі Божай Міласэрнасці, якія ўзначаліў у ватыканскай базыліцы сам Пантыфік.

Папа Францішак скіраваў спецыяльнае пасланне да ўдзельнікаў “Саміту Амерык”, які праходзіць 10-11 красавіка ў Панаме. Пантыфік выказаў “падтрымку адкрытаму дыялогу”, які грунтуецца на ўзаемным супрацоўніцтве і імкненні да агульнага дабра.

З 15 красавіка 2015 года пры архікатэдральным касцёле Імя Найсвяцейшай Панны Марыі ў Мінску будуць праводзіцца “Вечары для закаханых”. Пачатак у 19.00.

11 красавіка Беларусь перажывае чацвёртую гадавіну тэракту ў мінскім метро. У гэты дзень за памерлых і пацярпелых у гэтай народнай трагедыі памоляцца ў каталіцкіх парафіях Мінска.

«Ідзіце па ўсім свеце і абвяшчайце Евангелле»

Дзяржаўны Сакратар Папы Францішка кардынал П’етро Паралін прысутнічае на сёмым “Саміце Амерык” – сустрэчы лідараў краін двух кантынентаў. Двухдзённы форум пачаўся 10 красавіка ў Панаме.

11 красавіка падчас урачыстасці ў базыліцы св. Пятра Папа Францішак перадасць прадстаўнікам Касцёла з усіх кантынентаў экземпляры булы “Misericordiae vultus”, якая абвяшчае Год міласэрнасці. Іх атрымаюць архіпрэзбітэры чатырох папскіх рымскіх базылік, прэфекты трох кангрэгацый, ватыканскія біскупы, якія паходзяць з розных частак свету, і прадстаўнікі Усходніх Каталіцкіх Цэркваў.