Вялікдзень — самае вялікае свята хрысціянаў. Як кажа святы Павел: «калі Хрыстус не ўваскрос, то дарэмная наша вера». Вельмі важна, каб вернік удзельнічаў у Пасхальным Трыдууме і рэзурэкцыйнай святой Імшы (з лац.resurrectione — уваскрасенне). Кожны католік павінен прынамсі раз у год у велікодны час паспавядацца і прыняць святую Камунію.
Асуджэнне культуры суперніцтва, пажаданне міру для Украіны, Блізкага Усходу і Афрыкі, лёс ахвяраў гандляроў наркотыкамі і свету, падпарадкаванага гандлярам зброяй – гэтыя тэмы былі цэнтральнымі ў пасланні, з якім Папа Францішак звярнуўся 5 красавіка перад благаслаўленнем “Urbi et Orbi”.
5 красавіка, ва ўрачыстасць Уваскрасення Пана, рэзурэкцыйная святая Імша адбылася ў мінскім архікатэдральным касцёле. Імшу з удзелам мінскіх вернікаў цэлебраваў Мітрапаліт Тадэвуш Кандрусевіч.
5 красавіка біскуп Пінскі Антоні Дзям’янка ўзначаліў у пінскім катэдральным касцёле рэзурэкцыйную святую Імшу ва ўрачыстасць Уваскрасення Пана.
Пасля сарака дзён пакуты і самакатавання, пасля болю і смутку Вялікай пятніцы, пасля цішыні і задуменнасці Вялікай суботы Касцёл урачыста спявае «Аллелюя» і ў чарговы раз абвяшчае радасную навіну, што наш Пан Езус Хрыстус сапраўды ўваскрос.
4 красавіка ў мінскім архікатэдральным касцёле адбылася літургія Пасхальнай вігіліі. Урачыстую літургію цэлебраваў Мітрапаліт Мінска-Магілёўскі арцыбіскуп Тадэвуш Кандрусевіч, разам з ім маліўся Апостальскі Нунцый у Беларусі арцыбіскуп Клаўдыё Гуджэроцці.
