27 снежня ў Вышэйшай духоўнай семінарыі ў Гродне прайшла аплатковая сустрэча членаў малітоўнага руху за святароў «Маргарытка» ў Гродзенскай дыяцэзіі. Сустрэчу арганізаваў кс. Валерый Быкоўскі — духоўны айцец Вышэйшай духоўнай семінарыі і апякун «Маргарытак».
Свята Святой Сям’і: Езуса, Марыі і Юзафа.
1 чыт. Сір 3, 2-6. 12-14; Пс 128 (127), 1-2. 3. 4-5.2 чыт. Клс 3, 12-21.Ев. Лк 2, 22-40 альбо (карац.) Лк 2, 22. 39-40.
На Божае Нараджэнне вернікі гомельскай парафіі Нараджэння Божай Маці завяршылі 9-месячную малітву за ненароджаных дзяцей. Як сімвал выратаванага ад аборту дзіцяці многія вернікі прынеслі ў касцёл па ружы, якія былі пастаўлены перад алтаром.
Увечары 26 снежня адправілася ў дарогу грэка-каталіцкая пілігрымка ў Прагу (Чэхія) на 37-ю Еўрапейскую сустрэчу моладзі, арганізаваную экуменічнай супольнасцю Тэзэ (Taize).
Напярэдадні Божага Нараджэння ў кляштары сясцёр эўхарыстак у Друі (Віцебская дыяцэзія) адбылася святочная вячэра – куцця. Гасцямі па традыцыі сталі выхаванцы мясцовага дзіцячага дома, якія засталіся на зімовыя школьныя канікулы ў Друі.
Прадстаўляем вашай увазе фотарэпартаж са святой Імшы на Божае Нараджэнне, якая адбылася ў катэдральным касцёле Езуса Міласэрнага ў Віцебску і якую ўзначаліў біскуп Віцебскі Алег Буткевіч, і з дзіцячага ранішніка, які адбыўся ў касцёле 25 снежня, ва ўрачыстасць Нараджэння Пана.
Дарагія браты і сёстры! Сённяшняе свята Святой Сям'і звяртае ўвагу на такі момант, пра які зрэшты мы часта забываем: што Езус Хрыстус прыйшоў на гэты свет і быў выхаваны ў сям'і. У адзінай з мноства іншых сем'яў, якія жывуць на зямлі.
27 снежня адбылася аплатковая сустрэча Мітрапаліта Мінска-Магілёўскага арцыбіскупа Тадэвуша Кандрусевіча з дзецьмі. У межах сустрэчы іерарх цэлебраваў святую Імшу ў мінскай парафіі Св. Яна Хрысціцеля.