11 лютага, ва ўспамін Маці Божай Люрдскай, Мітрапаліт Мінска-Магілёўскі арцыбіскуп Тадэвуш Кандрусевіч узначаліў святую Імшу ў мінскай архікатэдры. Падчас Імшы іерарх удзяліў сакрамэнт намашчэння хворых.

Біскуп Юрый Касабуцкі ў 2001 годзе стаў прэфектам Пінскай духоўнай семінарыі імя святога Тамаша Аквінскага. Гэта быў першы год аднаўлення дзейнасці духоўнай навучальнай установы. Наступны каляндарны год моцна паўплываў на жыццё будучага біскупа — у пачатку 2002 года ён трапіў у аўтамабільную аварыю. Працэс выздараўлення расцягнуўся больш чым на год.

Ужо 50 гадоў у бальніцах Гродна духоўную дапамогу хворым нясе сястрa Стэла Ядкоўскaя CSFN, назарэтанка. Сястру Стэлу, якая нясе надзею тым, хто яе не мае, называюць апосталам шпітaляў Гродна.

Камісія па найменні і перайменаванні праспектаў, вуліц, плошчаў і іншых частак Мінска прапаноўвае назваць сквер побач з касцёлам свв. Сымона і Алены ў гонар Эдварда Вайніловіча.

9 лютага біскуп Віцебскі Алег Буткевіч сустрэўся з адміністрацыяй і медыкамі Віцебскай абласной клінічнай бальніцы. Нагодай стаў Сусветны дзень хворага, які ў Каталіцкім Касцёле ўстанавіў 25 гадоў таму св. Ян Павел ІІ.

У праграме Валярыны Куставай «Прыват», якая выходзіць на тэлеканале «Белсат», прыняла ўдзел Надзея Гацак, парафіянка мінскага касцёла свв. Сымона і Алены. У «Прываце» Надзея, маладая жонка і маці трох дзяцей, апавядае пра сваю сям’ю, пра хваробу і звязаныя з ёю цяжкасці, пра складаны выбар, які, аднак, ад пачатку быў адназначны і цвёрды — Бог і Яго дары.

З нагоды 920-годдзя горада на Піне выкладчыкі і вучні пінскай дзіцячай школы мастацтваў №4 выступілі з ініцыятывай распрацаваць некалькі праектаў лагатыпаў.

Збор сродкаў на рэстаўрацыю касцёла бэрнардзінцаў у Будславе будзе працягнуты. Пра гэта ў прэс-цэнтры БЕЛТА заявіў старшыня савета Беларускага фонда культуры Тадэвуш Стружэцкі.

З 3 па 5 лютага ў Оршы адбыўся біблійны курс «Эмаус». Зімняя сесія курса была прысвечана кнізе Бібліі Дзеі Апосталаў, у той час як асенняя — Евангеллю паводле Яна. Біблійны курс «Эмаус» праводзілі доктар тэалогіі Уладзіслаў Валаховіч, а таксама айцец Аляксандр Жарнасек MIC.

Клецк адным з першых беларускіх гарадоў атрымаў Магдэбургскае права. Як і Гродна, Клецк узгадваецца ў летапісе ў 1127 годзе. Тады горад быў цэнтрам княства ў складзе Турава-Пінскай зямлі.

5 лютага споўнілася 380 гадоў ад смерці мітрапаліта Уніяцкай Царквы Уладыкі Язэпа Веламіна Руцкага. З гэтай нагоды ў мінулыя дні ў грэка-каталіцкіх парафіях у Беларусі ў малітве ўзгадваўся мітрапаліт Язэп і ягоныя высілкі на карысць умацавання Уніяцкай Царквы.

Тэлеканал «Беларусь 24» правёў адзін дзень з біскупам Віцебскім Алегам Буткевічам. Беларускі іерарх — на сёння адзін з самых маладых біскупаў у свеце. У прыватнай капліцы на малітве і разважаннях біскуп Алег штодзённа праводзіць па 3–4 гадзіны. Як выглядае рэшта дня — у відэарэпартажы.

10-ты юбілейны дзіцяча-моладзевы фестываль мастацкай творчасці «Лошыца-2017» прайшоў 5 лютага ў мінскай парафіі Маці Божай Ружанцовай (Лошыца).

5 лютага, на заканчэнне візіту ў Магілёў, Апостальскі Нунцый у Беларусі арцыбіскуп Габар Пінтэр узначаліў святую Імшу ў магілёўскай катэдры Унебаўзяцця Найсвяцейшай Панны Марыі і св. Станіслава.

4 лютага ў Браслаўскім музеі традыцыйнай культуры біскуп Віцебскай дыяцэзіі Алег Буткевіч адкрыў выставу жывапісу Друйскага мастацкага пленэру 2016 года. На выставе прадстаўлена 38 маляўнічых палоцен. Калекцыя ўяўляе сабою збор твораў у розных мастацкіх накірунках і стылях. Акрамя алейных прац на палатне прадстаўлена таксама некалькі акварэляў.