13 мая ў парафіі Перамянення Пана ў Юрацішках адбыўся фэст, прысвечаны 100-годдзю фацімскіх аб’яўленняў. Маці Божая Фацімская ўшаноўваецца ва ўсім свеце, у тым ліку і вернікамі парафіі ў Юрацішках. Тут у бакавым алтары знаходзіцца фігура Маці Божай Фацімскай.

Дыяцэзіяльны дзень дзіцяці пройдзе ўжо ў сёмы раз у Гродне 1 чэрвеня. Арганізатары чакаюць новых валанцёраў, якія далучацца да падрыхтоўкі забаваў для дзяцей.

9 мая ў парафіяльным касцёле Святога Міхала Арханёла ў Навагрудку ў выкананні струннага аркестра і вакальнага хора пад кіраўніцтвам Міхаіла Фінберга прагучала канцэртная праграма.

Ужо ў 11-ы раз у першую нядзелю мая ў Гродзенскай дыяцэзіі прайшоў Дзень маці. У гэты дзень ва ўсіх касцёлах і капліцах дыяцэціі моляцца ў інтэнцыі жывых і памерлых маці, дзякуючы ім за іх неацэнны ўклад у грамадства і за выхаванне ў веры будучых пакаленняў.

6 мая гурт Гродзенскай вышэйшай духоўнай семінарыі Ave выступіў з канцэртам на сёлетніх Днях моладзі ў Навагрудку.

6–8 мая пры парафіі Святога Міхала Арханёла ў Навагрудку праходзяць Дні моладзі Гродзенскай дыяцэзіі (ДДМ), у якіх прымае ўдзел каля 1400 чалавек.

«Няхай перэгрынацыя і набажэнствы, звязаныя з ёю, будуць выразам нашай удзячнасці Божаму Провіду і Найсвяцейшай Маці за наш Касцёл на Гродзеншчыне, за дар адраджэння веры на нашых землях», — адзначае біскуп Гродзенскі Аляксандр Кашкевіч у сваім Пастырскім пасланні з нагоды перэгрынацыі фігуры Маці Божай Фацімскай у Гродзенскай дыяцэзіі.

4 мая, у дзень святога мучаніка Фларыяна, які лічыцца заступнікам пажарных, у касцёле святых Пятра і Паўла ў Іўі па традыцыі памаліліся за працаўнікоў Міністэрства па надзвычайных сітуацыях.

3 чэрвеня ў сваёй роднай парафіі Божай Міласэрнасці (Маладзёжны) у Лідзе прэзбітэрскае пасвячэнне прыме дыякан Яўген Ціхан. Пасвячэнне ўдзеліць дапаможны біскуп Гродзенскай дыяцэзіі Юзаф Станеўскі.

З 1 па 28 чэрвеня — на працягу экзаменацыйнай пары — айцы піяры, якія нясуць служэнне пры парафіі ў Шчучыне, будуць праводзіць малітоўную акцыю «Духоўнае „ўсынаўленне” выпускнікоў». Сутнасць акцыі заключаецца ў малітве за выпускнікоў, якім трэба не толькі вытрымаць іспыты, але і выбраць жыццёвы шлях.

Новыя святары Гродзенскай дыяцэзіі — кс. Анджэй Ганчар і кс. Андрэй Белаблоцкі — 30 красавіка цэлебравалі прыміцыйныя Імшы ў сваіх родных парафіях.

29 красавіка ў катэдральным касцёле св. Францішка Ксаверыя шматлікія вернікі з розных куткоў Беларусі і з-за мяжы сталі сведкамі важнай падзеі — біскуп Аляксандр Кашкевіч ўдзяліў прэзбітэрскае пасвячэнне дыяканам Андрэю Белаблоцкаму і Анджэю Ганчару.

27 красавіка навучэнцы Вышэйшай духоўнай семінарыі ў Гродне пад кіраўніцтвам кс. прэфекта Андрэя Лішко традыцыйна наведалі дзяцей у радунскім доме-інтэрнаце. Семінарыйная супольнасць апякуецца выхаванцамі інтэрната і заўсёды прыязджае да іх з радасцю і пашанай.

24 красавіка адбылася пілігрымка выпускнікоў школ Шчучына гэтага года ў Нацыянальны санктуарый Маці Божай Будслаўскай. Галоўнай мэтай падарожжа была малітва моладзі аб паспяховай здачы экзаменаў і аб добрым выбары жыццёвай дарогі.

Прыватны музей Януша Паруліса, які з’яўляецца скарбніцай культурнай, гістарычнай і духоўнай спадчыны Гродна і размяшчаецца ў невялічкім доміку, налічвае каля ста тысяч экспанатаў, палова з якіх прадметы рэлігійнага характару. Некаторыя былі знойдзены на сметніку, іншыя — на вышках закінутага дома, пэўныя — атрымаў у падарунак, шматлікія рэчы перайшлі ад продкаў.