У другі дзень велікодных святаў, 9 красавіка 2012 г., гродзенскую парафію Божай Міласэрнасці наведаў хор хлопчыкаў «Светач» школы №3 пад кіраўніцтвам Веры Кунцэвіч. Хор упрыгожыў спевам святую Імшу, павялічыўшы гэтым радасць Уваскрасення Пана.

Для «Светача» выступленне на каталіцкай літургіі было першым. Раней хор некалькі разоў выступаў у праваслаўнай царкве. Вернікам парафіі Божай Міласэрнасці прынёс вялікую радасць спеў хору, што праслаўляў Бога.

Кс. Максім Бачарнікаў