22 лістапада, у літургічны ўспамін св. Цэцыліі, апякункі касцёльнай музыкі, святую ўшанаваў хор Гродзенскай дыяцэзіі «Cantate Domino». Хор упрыгожыў сваім спевам вячэрнюю святую Імшу, якую ўзначаліў у гродзенскай парафіі Божай Міласэрнасці біскуп Аляксандр Кашкевіч.

У літургіі ўдзельнічалі святары, сярод якіх былі кс. Раман Катлімоўскі, кс. Ян Кучынскі, кс. Павел Салабуда, вернікі Гродна, а таксама Генеральны консул РП у Гродне Анджэй Хадкевіч разам з жонкай. Прысутных прывітаў пробашч парафіі кс. Эрнэст Будын SCJ.

У гаміліі кс. Раман Катлімоўскі нагадаў гісторыю жыцця святой Цэцыліі, падкрэсліўшы вялікае сведчанне, якое гэтая мучаніца ІІІ стагоддзя дала сваім жыццём і верай.

Пасля святой Імшы хор «Cantate Domino» пад кіраўніцтвам Генрыка Давідовіча прадставіў гасцям і парафіянам сваё майстэрства.

Кс. Эдуард Сінкевіч