Падчас агульнай аўдыенцыі 5 лютага кандытарскі канцэрн падарыў Папу Францішку шакаладную фігуру Пантыфіка, вырабленую ў натуральную велічыню. Акрамя гэтага, старшыня кандытарскага аб’яднання ўручыў Папу 1,5 тоны шакаладу.

З сакрамэнту Эўхарыстыі пачынаецца кожны сапраўдны шлях веры, адзінства і сведчання, адзначыў Папа Францішак падчас агульнай аўдыенцыі 5 лютага. Нягледзячы на халоднае надвор’е і дождж, на плошчы св. Пятра сабраліся тысячы пілігрымаў. Катэхезу Пантыфік прысвяціў сакрамэнту Эўхарыстыі, які знаходзіцца ў сэрцы “хрысціянскай ініцыяцыі” і разам з хростам і канфірмацыяй складае крыніцу жыцця Касцёла.

Святы Айцец Францішак скіраваў сваё першае пасланне на Вялікі пост. Яно было апублікавана 4 лютага і атрымала эпіграф з Другога Паслання да Карынцянаў: “Езус стаў бедным дзеля вас, каб вы ўзбагаціліся Ягоным убоствам”.

Маліцца за тых, якія далі адказ на пакліканне Езуса і рэалізуюць сябе ў манаскім жыцці, заклікаў вернікаў Святы Айцец падчас сустрэчы на малітве “Анёл Панскі” 2 лютага. Пантыфік нагадаў, што 2015 год будзе ў Касцёле прысвечаны асаблівым чынам кансэкраванаму жыццю.

Па словах Папы Францішка, свята Ахвяравання Пана мае сімволіку сустрэчы маладых, напоўненых радасцю ў захаванні Закону Пана, і старых, поўных радасці з-за дзеяння Святога Духа; гэта выключная сустрэча назірання і прароцтва, дзе маладыя з’яўляюцца гледачамі, а старыя прарокамі. Пра сцэну сустрэчы Святой Сям’і з Сімяонам і Ганнай казаў Пантыфік падчас Імшы 2 лютага ў ватыканскай базыліцы.

Кансэкраваныя асобы жадаюць “абудзіць свет” сваім прароцкім сведчаннем, асабліва прысутнасцю на экзістэнцыяльных перыферыях беднасці і мыслення, адзначыў прэфект Кангрэгацыі па справах Інстытутаў кансэкраванага жыцця і Таварыстваў апостальскага жыцця кардынал Жуан Браз дэ Авіс. 31 студзеня іерарх пазнаёміў журналістаў з некаторымі думкамі адносна Года кансэкраванага жыцця, які будзе адзначацца Касцёлам у 2015 г.

31 студзеня Папа Францішак прыняў на аўдыенцыі кіраўнікоў і супрацоўнікоў Кангрэгацыі Веравучэння. Сустрэча была прымеркавана да заканчэння пленарнага пасяджэння ведамства. Звяртаючыся да прысутных, Пантыфік адзначыў важнасць развіцця і абароны каталіцкай веры і абрадаў, што з’яўляецца непасрэдным заданнем гэтай кангрэгацыі.

Папская рада па сродках масавай камунікацыі збірае біскупаў краін Лацінскай Амерыкі, каб пазнаёміць з важнасцю сучасных медыя, у прыватнасці інтэрнэта і сацыяльных сетак, для распаўсюджання Евангелля. Трэнінг, які пройдзе 4-8 лютага, узначаліць старшыня ватыканскага ведамства арцыбіскуп Клаўдыё Марыя Чэллі.

Прэс-служба Ватыкана пацвердзіла паведамленне, якое паступіла 17 студзеня ад агенцтва Associated Press. Як паведамляецца, за два гады Пантыфікату Бэнэдыкта XVI 384 святары былі пазбаўлены духоўнага сану за злачынствы сексуальнага характару супраць няпоўнагадовых.

“Гэты сакрамэнт мацней яднае нас з Хрыстом, прыводзіць да спаўнення нашу сувязь з Касцёлам, дае асаблівую сілу Святога Духа, неабходную, каб распаўсюджваць і бараніць веру, вызнаваць імя Хрыста і не саромецца крыжа”, - адзначыў Папа Францішак падчас агульнай аўдыенцыі 29 студзеня. Сваю трэцюю катэхезу на тэму сакрамэнтаў Пантыфік прысвяціў канфірмацыі.

Кожны тыдзень у ватыканскі Дом св. Марты на адрас Папы Францішка прыходзіць каля 30 паштовых мяшкоў, а ў іх некалькі тысяч лістоў і пасылак. Паколькі сам Папа не можа прачытаць усё, яму дапамагае каманда з чатырох чалавек пад кіраўніцтвам кс. Джуліяно Галарыні.

“Каб ніколі не паўтарыліся падобныя жахі, якія з’яўляюцца ганьбай для чалавецтва”, - адзначыў Папа Францішак ва ўласнаручна напісаным лісце да свайго сябра, рабіна Буэнас-Айрэса Абрагама Скоркі, на Міжнародны дзень памяці ахвяр Халакоста, які адзначаецца 27 студзеня. Пантыфік абраў асабісты спосаб - ліст да чалавека, сяброўства з якім выходзіць далёка за рамкі дыялогу паміж дзвюма рэлігіямі, - каб выказаць блізкасць да яўрэйскага народа.

27 студзеня падчас сустрэчы з кардыналам Анджэло Амата, прэфектам Кангрэгацыі па справах Кананізацыі, Папа Францішак зацвердзіў дэкрэты аб прызнанні мучаніцтва і гераічнасці цнотаў некалькіх кандыдатаў да беатыфікацыі. Прызнаны факт мучаніцтва дыяцэзіяльнага святара з Іспаніі П’етро Мендзіа, які загінуў у 1936 г.

Касцёл не можа быць разуметы як выключна чалавечая арганізацыя, розніца палягае на намашчэнні, якое атрымліваюць біскупы і святары сілай Святога Духа для служэння Божаму народу, адзначыў Папа Францішак падчас ранішняй Эўхарыстыі 27 студзеня. Пантыфік падзякаваў “шматлікім святым святарам”, якія аддаюць сваё жыццё ў паўсядзённым служэнні.

Папа Францішак мае “юнацкі падыход да абвяшчэння Евангелля”, а Еўропа ў гэтым сэнсе крыху састарэла, адзначыў кіраўнік Прэс-службы Апостальскай Сталіцы кс. Фэдэрыко Ламбардзі ў інтэрв’ю для польскага тэлебачання. Па словах святара, Пантыфік ставіць моцны акцэнт на станоўчай сутнасці паслання, што Бог любіць усіх, і гэта адна з галоўных прычын, чаму яму ўдаецца прыцягнуць людзей да Бога і стымуляваць пазітыўнае стаўленне як вернікаў, так і тых, хто жыве па-за Касцёлам.