27 лістапада перад агульнай аўдыенцыяй Святы Айцец Францішак сустрэўся ў ватыканскай Зале Паўла VI з 50 дзяўчынкамі, хворымі на сіндром Рэта, і іх сем’ямі. Гэта была ўжо не першая сустрэчы Папы з дзецьмі, якія пакутуюць ад сур’ёзных захворванняў.

Першая Апостальская адгартацыя Папы Францішка “Evangelii gaudium” (“Радасць Евангелля”) прадстаўлена 26 лістапада ў Прэс-службе Апостальскай Сталіцы. “Радасць Евангелля напаўняе сэрцы і жыццё тых, хто сустракаецца з Хрыстом”, — такімі словамі пачынаецца дакумент.

Чалавек можа быць гаспадаром моманту, але Хрыстус – Пан часу: пра гэта нагадаў Папа Францішак 26 лістапада ўдзельнікам Эўхарыстыі ў капліцы Дома св. Марты. Папа даў дзве парады, каб добра разумець цяперашні час і рыхтавацца да апошняга моманту: трываць у малітве і мець надзею.

Неабходна давяраць Богу заўсёды, нават у “крайніх сітуацыях”, — звярнуў увагу Папа Францішак падчас Эўхарыстыі 25 лістапада. Пантыфік засяродзіўся на постацях, прадстаўленых у літургічных чытаннях: яўрэйскіх юнаках, якія засталіся вернымі Богу, будучы ў рабстве ў Навухаданосара, і беднай удаве, якая ахвяравала на святыню ўсё, што мела.

Вера, якая перажываецца глыбока і з пераканасцю, як правіла адкрываецца на абвяшчэнне Евангелля, — з такімі словамі Папа Францішак звярнуўся да больш чым 300 валанцёраў, якія дапамагалі ў арганізацыі і правядзенні мерапрыемстваў у рамках Года веры. 25 лістапада Пантыфік прыняў іх на аўдыенцыі.

24 лістапада перад малітвай “Анёл Панскі” Папа Францішак падзякаваў арганізатарам шматлікіх мерапрыемстваў, якія адбыліся ў рамках Года веры, у першую чаргу арцыбіскупу Рына Фізікелле, старшыні Папскай рады па новай евангелізацыі, і яго бліжэйшым супрацоўнікам.

24 лістапада Папа Францішак узначаліў Імшу ва ўрачыстасць Пана нашага Езуса Хрыста, Валадара Сусвету. Імша адбылася на заканчэнне Года веры, абвешчанага Бэнэдыктам XVI. Перад пачаткам літургіі на плошчы Св. Пятра ўпершыню для публічнага ўшанавання былі выстаўлены рэліквіі Князя апосталаў, змешчаныя ў спецыяльную бронзавую урну.

На заканчэнне Эўхарыстыі 24 лістапада Папа Францішак перадаў вернікам сваю першую Апостальскую адгартацыю “Evangelii gaudium” („Радасць Евангелля”). Яе публікацыя была прымеркавана да заканчэння Года веры.

23 лістапада з нагоды заканчэння Года веры адбылася сустрэча Папы Францішка з катэхуменамі. У ёй удзельнічалі каля 500 чалавек з розных краін, якія рыхтуюцца да прыняцця сакрамэнту хросту.

Сёння Касцёл, як ніколі, павінен сведчыць аб каштоўнасці пажылых людзей, - з такім заклікам Святы Айцец звярнуўся да ўдзельнікаў штогадовай канферэнцыі Папскай рады пастырства работнікаў сферы аховы здароўя, якая 21-23 лістапада праходзіць у Ватыкане на тэму барацьбы з нейрадэгенератыўнымі захворваннямі ў пажылым узросце і душпастырскай апекі людзей з такім дыягназам.

Храм з’яўляецца святым месцам, дзе самае галоўнае не рытуал, але аддаванне пашаны Пану, — адзначыў Папа Францішак падчас ранішняй Імшы 22 лістапада. Пантыфік падкрэсліў, што чалавек, як “святыня Духа Святога”, павінен слухаць Бога ўнутры сябе, прасіць Яго аб прабачэнні і ісці за Ім.

Папа Францішак скіраваў відэапасланне ўдзельнікам ІІІ Фестывалю сацыяльнага вучэння Касцёла, які праходзіць у гэтыя дні ў Вероне (Італія). Па словах Святога Айца, знакавай з’яўляецца тэма форуму: “Менш няроўнасці, больш адрозненняў”.

Папа Францішак выказаў сваю блізкасць да народа Філіпін. 21 лістапада падчас сустрэчы ў Ватыкане з філіпінскімі вернікамі Святы Айцец прызнаўся, што яго моцна кранула трагедыя, якую прынеслі на паўднёва-усходнія астравы стыхійныя бедствы.