Галоўнай падзеяй ватыканскіх і рымскіх святкаванняў 30-годдзя абрання Папы Яна Паўла ІІ стане прагляд фільму «Сведчанне» ў чацвер 16 кастрычніка 2008 г. Фільм створаны па матывах аднайменнай кнігі кардынала Станіслава Дзівіша. На праглядзе будзе прысутнічаць Бэнэдыкт XVI, удзельнікі Сіноду Біскупаў, працаўнікі Рымскай Курыі і пілігрымы. Пасля Святы Айцец выступіць з прамовай.
Ужо другі тыдзень Генеральны вікарый Мінска-Магілёўскай архідыяцэзіі біскуп Антоні Дзям’янка знаходзіцца ў Рыме на ХІІ Генеральнай асамблеі Сіноду Біскупаў як прадстаўнік Каталіцкага Касцёла ў Беларусі. Прапануем вашай увазе фрагменты інтэрв’ю з біскупам Антоніем для Ватыканскага радыё, у якім гаворка ідзе пра мінулы і сучасны стан біблійнага душпастырства на Беларусі.
Папская рада па міжрэлігійным дыялогу скіравала да мусульманаў сваё Пасланне з нагоды заканчэння Рамадана — месяца шчырага посту і малітвы. Сёлета Рамадан працягваўся з 1 па 29 верасня. У Пасланні старшыня ватыканскага ведамства кардынал Жан-Луі Таран прапануе для разважання тэму «Разам за годнасць сям’і». Вашай увазе прапануем поўны тэкст паслання на рускай мове.
Галоўнай падзеяй ватыканскіх і рымскіх святкаванняў 30-годдзя абрання Папы Яна Паўла ІІ стане прагляд фільму «Сведчанне» ў чацвер 16 кастрычніка 2008 г. Фільм створаны па матывах аднайменнай кнігі кардынала Станіслава Дзівіша. На праглядзе будзе прысутнічаць Бэнэдыкт XVI, удзельнікі Сіноду Біскупаў, працаўнікі Рымскай Курыі і пілігрымы. Пасля Святы Айцец выступіць з прамовай. 
12 кастрычніка 2008 г. Святы Айцец Бэнэдыкт XVI на плошчы Святога Пятра ўзначаліў урачыстую кананізацыйную святую Імшу, падчас якой да ліку святых былі далучаны сястра Альфонса ад Беззаганнага Зачацця з Кангрэгацыі трэцяга францішканскага ордэну свецкіх, якая паходзіць з Індыі, заснавальнік Кангрэгацыі Місіянераў Найсвяцейшых Сэрцаў Езуса і Марыі італьянскі святар Гаэтано Эррыко, швейцарская місіянерка, панна і заснавальніца Кангрэгацыі Сясцёр Францішканак Місіянерак Марыі Успамогі Хрысціянаў Марыя Бернарда Бютлер, а таксама с. Нарчыса ад Езуса з Эквадора.
Сусветны дзень мігрантаў і бежанцаў, які будзе адзначацца 19 студзеня 2009 г., павінен стаць «для ўсіх стымулам жыць у паўнаце братэрскай любові, без якіх-небудзь адрозненняў і дыскрымінацый, каб мы былі ўпэўненымі, што кожны, каму мы патрэбны, з’яўляецца нашым бліжнім і што мы можам дапамагчы яму», — заклікае Бэнэдыкт XVI у Пасланні на 95 Сусветны дзень, сканцэнтраваным на тэме «Святы Павел — вандроўнік, „Апостал язычнікаў“».
«Ужо ў гэтым годзе з’явіцца новая сацыяльная энцыкліка Бэнэдыкта XVI», — паведаміў падчас прэс-канферэнцыі, прысвечанай папскаму пасланню на 95-ы Сусветны дзень мігрантаў і бежанцаў, старшыня Папскай рады душпастырства эмігрантаў і падарожнікаў, а таксама Папскай рады справядлівасці і супакою кардынал Рэнато Рафаэле Марціно.
«Сінод накрэсліў душпастырскія дырэктывы, каб усталяваць практыку сустрэчы са Словам Божым — крыніцаю жыцця», — адзначыў кардынал Марк Уэлле, генеральны дакладчык ХІІ Генеральнай асамблеі Сіноду Біскупаў. Арцыбіскуп Квебекскі (Канада) указаў на сувязь Святога Пісання з адраджэннем Касцёла, экуменізмам і дыялогам Касцёла з асобнымі народамі і рэлігіямі.
Да праблемы актуальнага сусветнага фінансавага крызісу звярнуўся Святы Айцец Бэнэдыкт XVI падчас распачацця працы ХІІ Генеральнай асамблеі Сіноду Біскупаў на тэму «Verbum Domini in vita et missione Ecclesiae» («Слова Божае ў жыцці і місіі Касцёла»).
5 кастрычніка 2008 г. з нагоды адкрыцця ХІІ Генеральнай асамблеі Сіноду Біскупаў, які будзе праходзіць на тэму «Verbum Domini in vita et missione Ecclesiae» («Слова Божае ў жыцці і місіі Касцёла»), Святы Айцец Бэнэдыкт XVI распачне «Біблейскі марафон», у якім прымуць удзел 1248 дэкламатараў. Каталіцкі Касцёл у Беларусі на асамблеі будзе прадстаўляць Генеральны вікарый Мінска-Магілёўскай архідыяцэзіі біскуп Антоні Дзям’янка.
«Хрысціянская свабода ніколі не звязана з распустай ці самавольствам, але рэалізуецца праз атаясамліванне сябе з Хрыстом», — нагадаў Пантыфік падчас агульнай аўдыенцыі, якая адбылася ў сераду 1 кастрычніка 2008г. Бэнэдыкт XVI працягнуў цыкл прамоваў, прысвечаных навучанню св. Паўла.
43 Сусветны дзень сацыяльных камунікацый 2009 года пройдзе на тэму «Новыя тэхналогіі, новыя сувязі. Развіваць культуру павагі, дыялогу, сяброўства». Пасланне Святога Айца Бэнэдыкта XVI на Дзень сацыяльных камунікацый будзе апублікавана 24 студзеня наступнага года ў дзень успаміну святога Францішка Сальскага, апекуна журналістаў.
Ватыкан стане паўнапраўным членам Інтэрпола (Міжнароднай арганізацыі крымінальнай паліцыі) падчас бліжэйшай сесіі Генеральнай асамблеі гэтай міжнароднай арганізацыі, якая адбудзецца з 4 па 7 кастрычніка гэтага года ў Санкт-Пецярбурзе.
Беатыфікацыя Яна Паўла ІІ не супадзе з 30-й гадавінай яго пантыфікату, якая будзе адзначацца 16 кастрычніка 2008 г., але, як адзначыў прэфект Кангрэгацыі па справах Кананізацыі арцыбіскуп Анджэло Амато, яна на добрай дарозе, а перш за ўсё — «у добрых руках». «Працэс ідзе наперад вельмі добра. Мы знаходзімся на этапе апрацоўкі positio, а значыць трэба яшчэ трошкі часу», — адзначыў арцыбіскуп Амато.
Служба папскіх літургічных цэлебрацый паведамляе, што 5 кастрычніка 2008 г. у XXVII звычайную нядзелю ў 9.30 у базыліцы святога Паўла за мурамі Святы Айцец Бэнэдыкт XVI будзе цэлебраваць святую Імшу з айцамі Сіноду з нагоды адкрыцця ХІІ Генеральнай асамблеі Сіноду Біскупаў. Сінод будзе праходзіць на тэму «Verbum Domini in vita et missione Ecclesiae» («Слова Божае ў жыцці і місіі Касцёла»).
22 верасня 2008 г. у Кастэль Гандольфо (прыгарад Рыма) адбылася сустрэча Святога Айца Бэнэдыкта XVI з новапрызначанымі іерархамі, арганізаваная Кангрэгацыяй па справах Усходніх Касцёлаў.
Ватыканскае радыё