25 сакавіка падчас свайго першага пастырскага візіту ў Мілан папа Францішак наведаў гарадскую турму Сан-Віторэ. Перад наведваннем пенітэнцыярнай установы Святы Айцец паразмаўляў са зняволенымі з іншай турмы — жанчынамі, якія адбываюць пакаранне разам са сваімі дзецьмі.

24 сакавіка вечарам у Sala Regia Апостальскага палаца Святы Айцец прыме на аўдыенцыі 27 кіраўнікоў дзяржаў і ўрадаў Еўрапейскага саюза. Палітыкаў будуць суправаджаць дэлегацыі, якія прыбылі ў Рым на святкаваенне 60-годдзя падпісання Рымскай Дамовы і спецыяльнага саміту ЕС, які павінен даць яму новы напрамак пасля Brexit.

Папа Францішак здзейсніць 28-29 красавіка апостальскае падарожжа ў Егіпет. Візіт стане адказам Пантыфіка на запрашэнне Прэзідэнта і каталіцкага епіскапату краіны, а таксама Патрыярха Копцкай Праваслаўнай Царквы і вялікага імама мясцовага ўніверсітэта «Аль-Азхар».

20 сакавіка ў Ватыкане прадставілі афіцыйную праграму візіту папы Францішка ў марыйны санктуарый у Фаціме (Партугалія). Пілігрымка пройдзе 12 і 13 мая ў 100-гадовы юбілей аб’яўлення Найсвяцейшай Панны Марыі.

Па запрашэнні прэзідэнта Рэспублікі Калумбія і мясцовых біскупаў папа Францішак здзейсніць апостальскі візіт у гэту лацінаамерыканскую краіну з 6 па 11 верасня 2017 года.

Адысці ад зла, навучыцца рабіць дабро і дазволіць Пану весці сябе наперад — вось шлях велікапоснага навяртання. Пра гэта адзначыў папа Францішак 14 сакавіка падчас ранішняй Эўхарыстыі ў Ватыкане.

На гары Табор, дзе Пан перамяніўся, адбылося «Божае аб’яўленне, якое ўсё пераварочвае, а знак гэтага перавароту, што найбольш бянтэжыць, гэта крыж», — адзначыў папа Францішак падчас малітвы «Анёл Панскі» на плошчы Святога Пятра ў нядзелю 12 сакавіка.

Постаць Юды, рызыка страты веры, місія Касцёла, які шукае грэшнікаў, — галоўныя тэмы чарговай медытацыі, якую 8 сакавіка пачуў папа Францішак і супрацоўнікі Рымскай курыі падчас велікапосных духоўных практыкаванняў у італьянскім Арыча.

Пярсцёнак — яшчэ адна з адзнак Папаў Рымскіх у Каталіцкім Касцёле. Прапануем 7 цікавых фактаў, пра якія, магчыма, вы не ведалі.

Святы Айцец атрымаў лісты ад вязняў міланскай турмы «Сан-Віторэ», якую наведае 25 сакавіка ў межах сваёй аднадзённай пілігрымкі ў гэты паўночнаітальянскі горад. У праграме візіту ў месца зняволення, які будзе працягвацца каля дзвюх гадзін, прадугледжана сустрэча і абед з асуджанымі.

Святы Айцец быў запрошаны ў Егіпет і ў адзін цудоўны дзень знойдзе спосаб для таго, каб паехаць туды, запэўніў старшыня Папскай рады па міжрэлігійным дыялогу. Кардынал Жан-Луі Таран толькі што вярнуўся з Каіра, дзе прыняў удзел у сустрэчы ў рамках дыялогу паміж Святым Пасадам і Ісламскім універсітэтам «Аль-Азхар».

26 лютага папа Францішак паведаміў, што разважае над магчымасцю наведаць Паўднёвы Судан, дзе пануе голад. Пантыфік мяркуе, што можа туды накіравацца разам з англіканскім арцыбіскупам Кентэрберыйскім Джасцінам Уэлбі.

Першым, ад чаго пакутуюць жыхары ўсходняй часткі Украіны, з’яўляецца маўчанне міжнароднай супольнасці аб іх становішчы, сказаў Апостальскі Нунцый у Кіеве пасля вяртання з зоны ваенных дзеянняў. Арцыбіскуп Клаўдыё Гуджэроцці знаходзіўся там 14 і 15 лютага разам з біскупам Янам Сабілам, каардынатарам гуманітарнай ініцыятывы «Папа для Украіны».

Гістарычным назвалі рымскія англікане хуткі візіт папы Францішка ў іх святыню. Ён наведае царкву Усіх Святых 26 лютага і стане першым Пантыфікам, які зробіць гэта.

У швейцарскім Фрыбургу па ініцыятыве каталіцкіх біскупаў краіны, у мясцовым Каталіцкім універсітэце 12 лютага прайшла канферэнцыя, прысвечаная першай гадавіне гістарычнай сустрэчы папы Францішка з Патрыярхам Кірылам у Гаване.