Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пасяджэнне, прысвечанае Яну Паўлу ІІ і яго навучанню аб культуры, прайшло ў сядзібе ЮНЕСКА
15.02.2013 14:27

У сядзібе ЮНЕСКА ў Парыжы 13 лютага прайшло навуковае пасяджэнне на тэму «Ян Павел ІІ і яго навучанне аб культуры». Сярод удзельнікаў сустрэчы былі больш за 40 паслоў, акрэдытаваных пры ЮНЕСКА, і французскія іерархі на чале з арцыбіскупам Парыжа кардыналам Андрэ Вэн-Труа.

Удзельнікаў прывіталі назіральнік Апостальскай Сталіцы пры ЮНЕСКА кс. прэлат Франчэска Фолла і старшыня Фонду Яна Паўла ІІ кардынал Станіслаў Рылка. Сярод прысутных быў і прафесар Кшыштаф Зануссі, які ўзгадаў пра свае сустрэчы з Янам Паўлам ІІ.

Як інфармуе агенцтва КАІ, на сустрэчы разглядалася стаўленне Яна Паўла ІІ да феномену шматкультурнасці, значэнне і роля евангельскіх каштоўнасцяў у сучаснай культуры, адносіны паміж эканомікай і інтэгральным развіццём чалавека, роля моладзі ў лабірынтах сённяшняй культуры, годнасць жанчыны ў навучанні Вялікага Папы.

Па словах удзельнікаў, пасяджэнне паспрыяе таму, каб глядзець на праблемы сучаснай культуры з перспектывы Евангелля, якое абвяшчае любоў і клопат пра чалавека, чаму і вучыў Ян Павел ІІ.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме