Урачыстаць гэтая адзначаецца ў гонар нявінных дзяцей, забітых у Бэтлееме па загадзе Ірада, жыдоўскага цара. У Сярэднявеччы гэта было свята жакаў (школьнай моладзі). Здарэнне апісана ў Евангеллі (Мц 2, 13-18).
Успамін: 28 снежня
Святы Ян, апостал і евангеліст
27.12.2008 14:54
Рыбак, быў любімым вучнем Езуса. Стаў сведкам перамянення Пана і Яго малітвы ў Садзе Аліўным. Падчас Апошняй Вячэры туліўся да грудзей Збаўцы. Паміраючы на крыжы, Пан Езус аддаў яму ў апеку сваю Маці. Ён — адзіны з Апосталаў, хто памёр сваёй смерцю каля 100 г. З’яўляецца аўтарам Евангелля, трох Лістоў, а таксама Апакаліпсіса. Сваім Евангеллем святы Ян дапаўняе іншыя і найбольш глыбока перадае Божыя таямніцы. Ва Усходнім Касцёле св. Яну надалі тытул Тэолага. У хрысціянскай іканаграфіі сімвалам св. Яна з’яўляецца арол.
Успамін: 27 снежня
Святы Стэфан, першамучанік
26.12.2008 14:49
Дыякан, адзін з семярых памочнікаў апосталаў у ерузалемскім Касцёле. Першы, хто прыняў мучаніцкую смерць за Хрыста, якая апісана ў Дзеях Апосталаў (Дз 6, 1-8, 3). Існуе надзвычайнае падабенства смерці Езуса і Стэфана — ілжывыя сведкі, смерць па-за горадам, адданне Езуса Айцу, а Стэфана — Езусу, прабачэнне забойцам. Культ святога распачаўся з IV ст., а яго імя ўзгадваецца ў Рымскім каноне.
Нарадзіўся ў Лондане ў 1118 г., атрымаў цудоўную адукацыю. Кароль Англіі Генрых ІІ, які лічыў Томаса сваім сябрам, прызначыў яго лордам-канцлерам і асабістым дарадчыкам. Аднак, стаўшы арцыбіскупам Кэнтэрберыйскім, Томас Бэкет пачаў весці вельмі аскетычнае жыццё і цалкам прысвяціў сябе біскупскаму служэнню. Адстойваючы незалежнасць Касцёла ад свецкіх уладаў, ён увайшоў у канфлікт з Генрыхам ІІ і 29 снежня 1170 г. быў забіты людзьмі караля каля алтара катэдры ў Кэнтэрберы. 
Урачыстаць гэтая адзначаецца ў гонар нявінных дзяцей, забітых у Бэтлееме па загадзе Ірада, жыдоўскага цара. У Сярэднявеччы гэта было свята жакаў (школьнай моладзі). Здарэнне апісана ў Евангеллі (Мц 2, 13-18).
Рыбак, быў любімым вучнем Езуса. Стаў сведкам перамянення Пана і Яго малітвы ў Садзе Аліўным. Падчас Апошняй Вячэры туліўся да грудзей Збаўцы. Паміраючы на крыжы, Пан Езус аддаў яму ў апеку сваю Маці. Ён — адзіны з Апосталаў, хто памёр сваёй смерцю каля 100 г. З’яўляецца аўтарам Евангелля, трох Лістоў, а таксама Апакаліпсіса. Сваім Евангеллем святы Ян дапаўняе іншыя і найбольш глыбока перадае Божыя таямніцы. Ва Усходнім Касцёле св. Яну надалі тытул Тэолага. У хрысціянскай іканаграфіі сімвалам св. Яна з’яўляецца арол. 
Дыякан, адзін з семярых памочнікаў апосталаў у ерузалемскім Касцёле. Першы, хто прыняў мучаніцкую смерць за Хрыста, якая апісана ў Дзеях Апосталаў (Дз 6, 1-8, 3). Існуе надзвычайнае падабенства смерці Езуса і Стэфана — ілжывыя сведкі, смерць па-за горадам, адданне Езуса Айцу, а Стэфана — Езусу, прабачэнне забойцам. Культ святога распачаўся з IV ст., а яго імя ўзгадваецца ў Рымскім каноне. 
Ян Кенцкі нарадзіўся 23 чэрвеня 1390 г. у Кентах (Польшча). У 23 гады распачаў навучанне ў кракаўскай акадэміі, якую скончыў праз пяць гадоў са ступенню магістра вольных мастацтваў. На працягу васьмі гадоў кіраваў школаю пры кляштары канонікаў, дзе займаўся таксама перапісваннем манускрыптаў. 
Апостальская Сталіца выказала згоду на стварэнне мультымедыйнага малітоўніка, а таксама дала дазвол на продаж электроннай версіі брэвіярыя — літургічнай кнігі, у якой сабраны прадпісанні і тэксты для цэлебрацыі Літургіі гадзінаў на працягу літургічнага года. 
Нарадзіўся 8 мая 1521 г. у Галандыі. Насуперак волі бацькоў пачаў вывучаць тэалогію, уступіў у ордэн езуітаў і стаў святаром. Пётр Канізій працаваў і прапаведваў на тэрыторыі Германіі, Аўстрыі, Швейцарыі, Чэхіі, Венгрыі і на Сіцыліі. Ён на працягу 13 гадоў кіраваў нямецкай правінцыяй ордэна езуітаў і значна паспрыяў адраджэнню каталіцкай веры ў Германіі пасля перыяду рэфармацыі.
З 18 па 21 снежня 2008 г. у мінскім архікатэдральным касцёле адбываліся адвэнтовыя рэкалекцыі, якія праводзіў а. Арыюш Пётр Малыска OFMCap, пробашч парафіі святой Барбары ў Замосці (Слуцкі дэканат). Прапануем Вашай увазе гаміліі рэкалекцыяніста ў першы і другі дзень рэкалекцый (у фармаце MP3).
На гэтым тыдні ў Ватыкане была абвешчана праграма набажэнстваў з удзелам Святога Айца на перыяд Божага Нараджэння. У ноч Нараджэння Пана Бэнэдыкт XVI узначаліць цэлебрацыю святой Імшы ў ватыканскай базыліцы. А 12 гадзіне дня ў свята Божага Нараджэння Пантыфік прамовіць з цэнтральнага балкона базылікі св. Пятра і ўдзеліць благаслаўленне «Urbi et Orbi».
Нарадзілася ў 931 або ў 933 г. у Бургундыі (Францыя). Ужо ў дзяцінстве па волі бацькі, бургундскага караля Рудольфа ІІ, была заручаная з італьянскім каралём Лотарам ІІ. Ва ўзросце 16 гадоў выйшла за яго замуж, але ўжо праз 3 гады аўдавела. З-за пагрозы ад прэтэндэнтаў на трон была вымушана звярнуцца па абарону да будучага імператара Аттона І, за якога ў 951 г. выйшла замуж. 
