Гэта архіў старой версіі сайта. Новая версія знаходзіцца па адрасе catholic.by
Рыма-каталіцкі Касцёл у Беларусі
Святыя Сымон і Юда, апосталы
28.10.2008 16:07
Апостал Сымон перад тым, як далучыўся да супольнасці Дванаццаці, належаў да палітычна-рэлігійнай жыдоўскай групоўкі, члены якой называлі сябе зэлотамі (арамейск. кананітамі) — руплівымі, змагарамі. Пасля ўваскрасення Хрыста ён абвяшчаў Евангелле ў асноўным у Егіпце і Арменіі.
Апостал Юда Тадэвуш, які падчас развітання з Хрыстом спытаўся ў Яго: «Пане, чаму Ты хочаш аб’явіць сябе нам, а не свету?» — напачатку абвяшчаў Евангелле ў Эдэсе, дзе ахрысціў мясцовага цара і ўсіх яго падданых. У знак падзякі за гэта цар Эдэсы падараваў апосталу выяву Хрыста, якую Юда Тадэвуш заўсёды насіў на грудзях. Паводле паданняў, абодва гэтыя апосталы вялі місіянерскую дзейнасць у Сірыі, Персіі і Месапатаміі і разам былі забітыя дубінамі каля 71 г. (па іншых звестках, Сымон быў распілаваны). Св. апостал Сымон з’яўляецца апекуном дрывасекаў і лясных работнікаў, а заступніцтва св. Юды Тадэвуша просяць у бязвыхадных сітуацыях.
24 кастрычніка 2008 г. у Рыме быў абвешчаны склад ХІІ Рады Генеральнага Сакратарыяту Сіноду Біскупаў, якая налічвае 15 чалавек. 12 кандыдатаў былі абраны падчас галасавання айцоў Сіноду, а астатнія 3 — прызначаны Святым Айцом.
Святы Айцец Бэнэдыкт XVI, падводзячы вынікі ХІІ Генеральнай асамблеі Сіноду Біскупаў на тэму «Слова Божае ў жыцці і місіі Касцёла», назваў яе «супольным крочаннем да Пана пад кіраўніцтвам Божага слова».
23 кастрычніка 2008 г. Патрыярх Маскоўскі і ўсяе Русі Алексій ІІ скіраваў да Святога Айца Бэнэдыкта XVI пасланне, у якім выказаў свой аптымізм у адносінах да перспектыў супрацоўніцтва з Каталіцкім Касцёлам.
Нарадзіўся 24 чэрвеня 1386 г. у Капэстрано (Італія) у шляхецкай сям’і імігрантаў. Атрымаў юрыдычную адукацыю і пэўны час быў суддзёю ў Пэруджы. Падчас адной з бітваў у горадзе трапіў у палон, дзе перажыў унутранае навяртанне. Апынуўшыся на волі, Ян, маючы каля трыццаці гадоў, уступіў у ордэн францішканцаў (перад гэтым яго сужэнства было прызнана несапраўдным). Неўзабаве ён стаў блізкім сябрам і паплечнікам святога Бэрнардына з Сіены — вялікага прапаведніка і народнага місіянера. 
Генеральны вікарый Мінска-Магілёўскай архідыяцэзіі біскуп Антоні Дзям’янка, які ў гэты час знаходзіцца ў Рыме і прадстаўляе Каталіцкі Касцёл ў Беларусі на ХІІ Генеральнай асамблеі Сіноду Біскупаў, даслаў інфармацыю пра ход яе працы на другім тыдні, якую прапануем Вашай увазе.
Апостальская Сталіца адобрыла новыя формулы на заканчэнне святой Імшы, якія 18 кастрычніка 2008 г. абвясціў прэфект Кангрэгацыі Божага Культу і Дысцыпліны Сакрамэнтаў кардынал Фрэнсіс Арынзэ. Прапанова дадаць некалькі альтэрнатыўных формул была ўнесена ў 2005 г. удзельнікамі сходу Сіноду Біскупаў.
Глыбокую радасць і ўдзячнасць выказаў Бэнэдыкт XVI у адказ на прамову Сусветнага Патрыярха Канстанцінопальскага Барталамея I пасля завяршэння Вячэрні 18 кастрычніка 2008 г. у Сіксцінскай капэле. Упершыню ў гісторыі Сусветнаму Патрыярху была прапанавана магчымасць звярнуцца да Сіноду Біскупаў Рыма-каталіцкай Царквы.
Павел Францішак Данэі нарадзіўся 3 студзеня 1694 г. у П’емонце (Італія) у вельмі пабожнай сям’і і ўжо ў маладосці меў моцныя містычныя перажыванні. У 19-гадовым узросце пайшоў дабравольцам у венецыянскае войска, каб абараняць веру ў змаганні з туркамі. Праз два гады змяніў вайсковы мундзір на чорную вопратку пакутніка і сорак дзён правёў разам з братам у самоце, у пасце і малітве. У гэты час ён напісаў статут законнай супольнасці пасіяністаў, і ў 1725 г. Папа Бэнэдыкт ХІІІ дазволіў Паўлу ад Крыжа стварыць гэтую супольнасць. 
Аўтар трэцяга Евангелля і Дзеяў Апосталаў паходзіў з Сірыі. Па прафесіі ён быў лекарам, пра што гаворыцца ў лісце св. апостала Паўла да Каласянаў. Лука, выхаваны ў паганстве, быў, хутчэй за ўсё, навернуты апосталам Паўлам і, далучыўшыся да яго паміж 50 і 51 гг., быў яго спадарожнікам на працягу 17 гадоў аж да самай смерці Апостала народаў.
