Зварот дапаможнага біскупа Мінска-Магілёўскай архідыяцэзіі Аляксандра Яшэўскага SDB да вернікаў Магілёўскага рэгіёна
16.12.2015 12:16
Глыбокапаважаныя святары і кансэкраваныя асобы! Дарагія браты і сёстры, асабліва сужэнскія пары!
У Надзвычайны Год Божай Міласэрнасці ў нашым Магілёўскім рэгіёне запланавана некалькі мерапрыемстваў, мэта якіх у дапамозе розным рэлігійным рухам, групам, аб’яднанням і паасобным вернікам адкрыць новы досвед Божай любові і міласэрнасці і ўцелаўляць яго ва ўласным жыцці.
Адна з такіх сустрэч адбудзецца ў свята Святой Сям’і: Езуса, Марыі і Юзафа, 27 снежня 2015 года, а 11-й гадзіне ў нашай магілёўскай катэдры, якая стала юбілейнай святыняй.
Сардэчна запрашаю ўсе сужэнскія пары Магілёўскага рэгіёна на юбілейную святую Імшу, падчас якой сужэнцы будуць мець магчымасць прайсці ва ўрачыстай працэсіі праз Святыя Дзверы і аднавіць свае сужэнскія абяцанні, складзеныя калісьці падчас сакрамэнту шлюбу.
Асабіста заахвочваю да ўдзелу тыя пары, які святкуюць або будуць святкаваць юбілей 5, 10, 15, 20, 25, 30, 35, 40, 45, 50 і больш гадоў сумеснага жыцця, а таксама рух «Хатні Касцёл» у Магілёве.
Прашу душпастыраў аб апецы над вернікамі і дапамозе сужэнскім парам прыбыць на гэтае свята ў катэдру. Давяраючы ўсе сужэнствы нашага рэгіёну апецы Святой Сям’і, ад усяго сэрца благаслаўляю.
+ Аляксандр Яшэўскі, SDB Дапаможны біскуп Мінска-Магілёўскай архідыяцэзіі і біскуп вікарый для г. Магілёва і Магілёўскай вобласці
У гродзенскай парафіі Маці Божай Анёльскай прайшла святая Імша падзякі за беатыфікацыю айцоў францішканаў Міхала Тамашака і Збігнева Стшалкоўскага.
Нягледзячы на прапановы італьянскай паліцыі, Папа Францішак не будзе выкарыстоўваць падчас святаў у перыяд Божага Нараджэння бронекамізэльку. Гэтую інфармацыю распаўсюдзіў намеснік кіраўніка Прэс-службы Апостальскай Сталіцы айцец Чыра Бэнэдэціні. 
Жаданне ацэньваць можна параўнаць нават з жаданнем наталіць смагу. Новы фільм у кінатэатры, гаджэт у суседа, сукенка ў сяброўкі або новая дзяўчына ў сябра — мы ацэньваем усё. І сама па сабе ацэнка не з’яўляецца чымсьці дрэнным, пакуль не прыводзіць да асуджэння і пляткарства.
Арцыбіскуп Клаўдыё Гуджэроцці прыбыў 15 снежня ва Украіну, дзе яго прывіталі каталіцкія іерархі і супрацоўнікі Нунцыятуры.
15 снежня супрацоўнікі дабрачыннага каталіцкага таварыства «Caritas» Мінска-Магілёўскай архідыяцэзіі наведалі адну з самых далёкіх ад Мінска парафій – Чавусы.
«Жадаю, каб гэтае Нараджэнне адбылося ў вашым сэрцы», — звярнуўся да святароў і кансэкраваных асобаў Віцебскай дыяцэзіі біскуп Алег Буткевіч падчас пастырскай сустрэчы ў Полацку 15 снежня.
Ёсць старая хрысціянская казка, што котка атрымала пазнаку М на ілбе ў знак удзячнасці ад Дзевы Марыі за тое, што грэла ноччу маленькага Езуса ў яслях. Многія коткі, відаць, памятаюць гэтую гісторыю і імкнуцца заняць сваё месца ў калядных сцэнках каля касцёлаў па ўсім свеце.
Праз год пасля сустрэчы з Папам Францішкам 12-гадовая дзяўчынка з ЗША, хворая на рак, перамагла хваробу. 
Амбасадары будуць папулярызаваць сустрэчу ў Кракаве ў ліпені 2016 года і ідэю СДМ, таксама ўключацца ў цэлую акцыю Сусветных Дзён Моладзі. Сваім прыкладам яны будуць заахвочваць моладзь даваць сведчанне веры, а дзякуючы сваім дасягненням пакажуць, што хрысціянства з’яўляецца фундаментам добрага крэатыўнага жыцця.
