Штогод з нагоды ўрачыстасці Найсвяцейшага Цела і Крыві Хрыста адбываецца працэсія Божага Цела. Падчас яе Найсвяцейшы Сакрамэнт з пашанаю нясуць па вуліцах гарадоў і вёсак. Працэсія звычайна адбываецца ў дзень самой урачыстасці або ў бліжэйшую пасля яе нядзелю.
4 чэрвеня святкаванне ўрачыстасці Найсвяцейшага Цела і Крыві Хрыста адбылося ў Гродне. Урачыстасці ўзначаліў біскуп Гродзенскі Аляксандр Кашкевіч. Удзел прымалі таксама дапаможны біскуп дыяцэзіі Юзаф Станеўскі, гродзенскія святары, духавенства ўсходняга абраду.
4 чэрвеня, ва ўрачыстасць Найсвяцейшага Цела і Крыві Хрыста, Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу ў мінскім архікатэдральным касцёле Імя Найсвяцейшай Панны Марыі.
10 чэрвеня Папа Францішак прыме на аўдыенцыі ў Ватыкане Прэзідэнта Расійскай Федэрацыі Уладзіміра Пуціна. Гэтую інфармацыю пацвердзіў кіраўнік Прэс-службы Апостальскай Сталіцы а. Фэдэрыко Ламбардзі.
Адукацыя займае цэнтральнае месца ў місіі Касцёла, адзначыў Дзяржсакратар Папы кардынал П’етро Паралін 3 чэрвеня на міжнародным форуме “Выхаванне сёння і заўтра” ў штаб-кватэры ЮНЕСКА ў Парыжы.
4 чэрвеня ў Празе пачынаецца Сустрэча ўсходніх каталіцкіх іерархаў Еўропы (Conventus hierarcharum orientalium catholicorum Europae - скарочана CHOCE) – маштабны форум з багатай гісторыяй. Сёлета ён 18-ты па ліку. Традыцыйна на сустрэчы збіраюцца больш за 40 прадстаўнікоў Усходніх Цэркваў з 20 краін Старога Свету. У чэшскую сталіцу прыбыў і Апостальскі візітатар для грэка-католікаў Беларусі архімандрыт Сяргей Гаек.
Сёння ў свеце даволі распаўсюджаны розныя формы акультызму і магіі. Многія хрысціяне займаюцца пэўнымі акультнымі рэчамі, не задумваючыся аб іх шкодзе. Аб тым, якую небяспеку нясе чалавеку акультызм, мы паразмаўлялі са святаром-харызматыкам Аляксандрам Фаміных.
